شوفته علىّ شفاقه

بسومه · 2 - 4 - 2011, 7:21 PM

السلام عليكم ورحمة الله وبركاته
كذبت يوم أنك تقول أني أخطيت .. وخطاك والله ما يعدد حسابه
ظلمتني ياعزوة الحي والميت ... وكذبك على اليوم كل درى به
ياما على شوفة خيالك تشافيت ... وقلبي كفاه من الغرابيل مابه
أن شفت غيرك صدت النفس وغضيت .. لو هو يهلي قلت له لا هلا به
إن كان شفتك فز قلبي وهليت .. وربع محيل القلب وأزهر جنابه
دنياي تضحك بالسعد كل ما جيت ... وقلبي من الفرحات ينهج بابه
إليا ذكرتك ياعزا الروح ونيت ... وعزي لمن مثلي تزايد عذابه
أقسمت لك باللي فرض حجة البيت ... منساك لو القبر شيدترابه
أنت الذي يانور عيني تجنيت ... ونهبت قلبي من كنينه نهابه
وأنا الذي بسواق حبك تماديت .. وقلبي دخل وادي هواك وعذابه
أبيه يسمع عبرتي والتناهيت ... والحب في قلبي غطس كل نابه
على الذي بآيات حبه تسليت ... طفل سلب مكنون عقلي وذابه
وجدي على لاماه ياليت ياليت .. أبيح زبن ان كان قام وسعى به

اما فزع لي وانتخى شايع الصيت ... والا ترك غاليه ينزف صوابه
من ضيقة بالصدر ياعمير ناديت ... زبن المسمى وين حي نحابه
مما راق لي
تحياتي