انا جايه اكلمك انت النهارده وبليز تجاوب عليا بكل صراحه؟

[لميس]

وبليز , النهارده , انا , انت , اكلمك , بكل , تجاوب , جايه , صراحه؟ , عليا

انا جايه اكلمك انت النهارده وبليز تجاوب عليا بكل صراحه؟

النهاردة أنا جاي أكلمك أنت

أيوا أنت

أنت يا أخى أيوا أنت...... عايز أسالك شوية أسئلة ممكن؟؟؟

قلبك بيدق؟
عينك بتحب الجمال؟
ولسانك بيعرف يعبر؟
ونفسك تحب؟
وبتتمنى كلمة ناعمة ولمسة حنينة ونظرة مؤثرة؟
بتعتبر نفسك أنسان رقيق فى مشاعرك ورومانسى؟

مافيش مرة قابلت بنت فى الجامعة او فى الشغل وعلى النت أو كانت جارتك أوكانت صاحبة أختك... وعاجبك جمالها أو أدبها أو دينها أو ثقافتها وحاسيت بشعور كده جواك مش عارف سببه أيه ناحيتها؟



هل بدأت تتقرب منها وتتعرف عليها ، وهل هى قابلت رغبتك بنفس الحماس بتاعك ده ... وأنتم الاتنين مش شايلين فى نفسكم سوء ظن فى اخلاق بعض وأنتم الاتنين جواكم طيبة ونقاء؟؟

وهل علاقتكم بقت قوية وإتعاهدتم على الصداقة البريئة مع إن كل واحد مأجل الى فى قلبه من شعور جميل حاسس بحلاوته ومايتمناش يروح الشعور ده ...

ولكن
دايما البداية بتكون كده

طب هل بعد مدة قصيرة إتفقتم على الزواج بس للأسف فى ظروف واقفه فى وش الجواز ده زى دراستك أو سفر والدها أو لسة ماكونتش نفسك ...فققررتم تصبروا ولغاية ما الظروف تتحسن...ومع مرور الوقت مرت عليكم لحظات حب وشوق... لحظات يتمنى كل واحد منكم يلاقى نفسه زوجاً للتانى فى لمح البصر


هل تطور الأمر أكترمن كده ؟؟

هل ده عبر عن حبكم او أشبع رغبتكم لبعض؟؟

.. هل حبكم ده حلال أم حرام؟؟؟؟؟؟؟؟؟؟؟؟؟؟؟؟؟؟؟


الحب عمره ما كان حراما

لكن

ولكن كل خطوة وكل لمسة و كل نظرة وكلمة بتعبر بيها عن الحب ده هو ده.. الحرام وعصيان لله كمان

أنت ما سمعتش قول الله تعالى
قُلْ لِلْمُؤْمِنِينَ يَغُضُّوا مِنْ أَبْصَارِهِمْ وَيَحْفَظُوا فُرُوجَهُمْ ذَلِكَ أَزْكَى لَهُمْ إِنَّ اللَّهَ خَبِيرٌ بِمَا يَصْنَعُونَ *وَقُلْ لِلْمُؤْمِنَاتِ يَغْضُضْنَ مِنْ أَبْصَارِهِنَّ وَيَحْفَظْنَ فُرُوجَهُنَّ النور: 30

وعن معقل بن يسار يقول : قال رسول الله صلى الله عليه وسلم : " لئن يطعن في رأس أحدكم بمخيط من حديد خير له من أن يمس امرأة لا تحل له " .
رواه الطبراني في " الكبير : 486

فاسأل نفسك يا أخى أزاى هتقدر تعبر عن الى جواك لصحبتك وأنت غاضض بصرك عنها ؟

وأزاى تسمح لنفسك أنك تلمس أيدها وقدوتك فى حياتك النبى صلى الله عليه وسلم ما لمس أيد إمرأة ولا حتى فى البيعة

وازاى هانت عليك صاحبتك دى الى هى أختك فى الاسلام تنزع حيائها بأيدك وتوقعها فى زلة الخضوع بالقول الى نهى عنه الله " ولا تخضعن بالقول " فتصير شريكاً لها فى الذنب علشان شجعتها عليه




كل ده بيحصل بينكم... وفاكرين أنكم مش بتعصوا الله ولا بتعملوا منكر...

الأمر خطييييييير جدا
أخى لو ناوى تاخد سكة الزواج يبقى لازم تعرف إن الزواج رزق ونعمة ونعم الله لا تنال بالمعاصى

ما سألتش نفسك قبل كده أيه سبب فشل الجواز الى اتبنى على حب ؟؟

أقولك أنا

" الشيطان يعدكم الفقر ، والله يعدكم مغفرة منه وفضلا "

قد يكون الفقر ده بعد الجواز فى المال او فى السعادة.... الشيطان وعدهم ومناهم بالسعادة دىوصدقوا وخاب ظنهم بعد كده

أخى لو عايز البنت دى زوجة ليك بلاش تنهك مشاعرها وتسرق براءة قلبها وتعينها على معصية الله

ومن يتقِ اللهَ يجعل له مخرجا ، ويرزقه من حيث لا يحتسب "

ومن يتوكل على الله فهو حسبه إن اللهَ بالغ أمره ، قد جعل الله لكلِ شىءٍ قدرا

أتمنى أكون قدرت أفتّح عينك على الصح

يلا بسرعة قوم وصلح الى فسده الشيطان جوه قلبك

وهتلاقى نفسك اللوامة صحيت من تانى

المصدر: منتديات هاى حب - من قسم: النقاشات الشبابية الساخنة

[مشتاقه لحضن أمي]

يسلمو لميس على الطرح الجميل

[دعاء الجنه]

مشكوررة على موضوع

تقبلى مرورى

[ĚĜŘĂɱ]

مشكوره على الموضوع يا لميس
وده بيفتح حورات كتير الحب مش حرام فعلا بس ممكن احنا اللى نعمل تصرفات باسم الحب وهى دى اللى تكون حرام
تسلم الايادى وفى انتظار جديدك

[رامى المصرى]