ممكن تقولوا لى ؟

اصعب حب · 28 - 9 - 2009, 12:02 AM

ايه هى اكبر مشاعر الحزن والياس والمعاناه ؟
يعنى ايه بالظبط اللى بتحسه فى الحالات اللى زى دى ؟

ازاى بتخرج من الحاله دى ؟
سؤالى الاخير والوحيد
لو حسيت انك مقهووووووووووووووووووووووووووووور
يعنى الدنيا كلها ضدك والظروف كلها ضدك والحياه كلها بتعاندك
وانك مستهدف فى كل حاجه
وان معاناه الدنيا كلها من قسمتك ونصيبك تعمل ايه ؟
تعمل ايه لو حسيت انك بتحارب طواحين الهوا وانك سورى فى الكلمه زى البقره اللى مربوطه فى ساقيه مش عارف تخرج ولا عارف ترتاح ؟
تعمل ايه لو حسيت انك على هامش الحياه خارج نطاق الفرح مرفوع دائما من الخدمه
تعمل ايه لو حسيت ان الدنيا دى كلها بقاراتها ومحيطاتها وابحارها وانهارها وجبالها وكل مافيها ضيقه جدا ومش مستوعبه كم الالم اللى جواك
لما تفقد كل حاجه حلوه وتلاقى نفسك لوحدك مفيش بنى ادم على وجه الارض حاسس بيك ولا قادر يساعدك
لما تحس انك ضحيه قدر ضحيه ظروف ضحيه اشخاص ضحيه ناس كتير مش حاسين بيك ولا عارفين هما عملو ايه اصلا
لما تحس انك متكتف مخنوق حد رابطك بحبل من رقبتك لا عارف تتنفس ولا عارف تموت و ترتاح
لما تحس بكل المشاعر الوحشه اللى خلقها ربنا
غضب ياس خيبه امل ضياع وحده هم وحزن وحيره وقلق وكميه غضب واستياء لمين مش عارف
لما تحس ان مشاكلك اكبر منك وملهاش حلول وخلاص مبقتش قادر تتكيف معاها ؟
حد حس الاحساس ده قبل كده ؟
طب عملت ايه عشان تتخلص منه ؟
مش عاوزه تطييب خاطر وكلام اغانى والنبى اللى عنده حاجه تريح يقولى بجد
معلش نكدت عليكو اسف

المصدر: منتديات هاى حب - من قسم: فضفضة الأعضاء

saso · 28 - 9 - 2009, 12:44 AM

اسمحلى اكون اول مشاركة معاك وبجد الموضوع جميل جدا بس عاوزة اقولك على حاجة وده مش كلام اغانى ولا تطييب خاطر عمر ربنا مش خلق مشاعر وحشة البشر هما اللى بيخلوها وحشه وخيبة امل وضيا ووحده وكل اللى انت قولته ده يمكن ربنا ابتلاك بيه بيبقى اختبار من ربنا علشان يشوفك هتحمده ولا هتتبطر على نعمه وهى حاجة واحدة بس اللى بعملها لما بحس كل الاحاسيس دى وتعتبر احسن حاجة
انى افتكر ربنا دايما واحس انه معايا واقول يارب وربنا قال ادعونى استجب لكم

مش تيأس من رحمة ربنا على الانسان ويمكن لو كل ده بيحصلك اكيد ربنا مخبيلك حاجة احسن فى حياتك بعد كده وبجد موضوعك جميل جدا ومش عاوزاك تيأس وتقبل مرورى ويارب اكون ضيفه خفيفه عليك