معنى الصداقه

[تامر الكردى]

معنى , الصداقه

معنى الصداقه

الصداقة شىء جميل
يعرفه الشهم الأصيل
عنك الأحمال يشيل
وتلاقيه فى الشدة جار
ــــــــــــــــــــــــــــــــــــــــــــــــــ ـــــ
مش كلام من غير معانى
وللا افلام أو أغانى
أونوايا أو أمانى
أو مجازفة أو قمار
ــــــــــــــــــــــــــــــــــــــــــــــــــ ـــــــ
الصداقة طرح طاب
خالى من بذر العتاب
للهنا والفرح باب
نسمة باردة ف جو نار
ــــــــــــــــــــــــــــــــــــــــــــــــــ ــــــــ
تلقى صورتك فيه مراية
يبقى حرصه عليك هواية
يوم ما هتمسك غواية
هتلاقيه زى الفنار
ــــــــــــــــــــــــــــــــــــــــــــــــــ ـــــــــ
متعته يشوفك سليم
وتلاقيه صافى وحليم
وإن ملك تلقاه كريم
يعفى من غير إعتذار
ــــــــــــــــــــــــــــــــــــــــــــــــــ ـــــــــ
الصديق زى السفير
صحبته تخليك أمير
أو حثالة أو حقير
لو أسأت الإختيار
ــــــــــــــــــــــــــــــــــــــــــــــــــ ــــــــــ ــ
هتلاقيك دقت العذاب
والنهار والليل عتاب
يهرى لحمك فى الغياب
وتلاقيه هدم ودمار
ــــــــــــــــــــــــــــــــــــــــــــــــــ ــــــــــ ـــ
تلقى سرك مش فى بير
هو دة الأمر الخطير
حكمة من فم الخبير
مسكوا القط الكرار



ــــــــــــــــــــــــــــــــــــــــــــــــــ ــــــــــ ـــ
الكلام دغرى وصريح
مش مجامل أومريح

بس ع الخط الصحيح
كله جد ومش هزار

المصدر: منتديات هاى حب - من قسم: منتدى المواضيـــع العامــــه

[اميرة]

الصداقة شىء جميل والصديق الحقيقى هو انعكاس لصورتك

انعكاس طبيعى وصادق ليس به تزيف ولا تزين

وان قل وجود هذا الصديق الان.... الا انه موجود ويستحق عناء البحث عنه

شكرا ليك كردى دوما تقدم لنا الجديد والمفيد


تقبل مررى

[مــلاك الــروح]

الصداقة طرح طاب
خالى من بذر العتاب
للهنا والفرح باب
نسمة باردة ف جو نار
الله عليك بجد روعه روعه
تسلم ايدك ويسلم عمرك
على الطرح المميز

[الطائر الحزين]

* اعزالناس *

.. من ابعد البحور اتيت إليك ..

.. فحروفك تخاطبني من ابعد ستواطي الرحيل ..

.. تجدبني لها..

.. ترسم امامي خارطه الطريق إلى النور..

.. لاهدي بها..

.. فكم اشتاق لقراءة هذه الهمسات الاكثر من رائعه..

.. دمت لنا اخي العزيز..

.. ودام لنا بوحك الراقي ..

.. تحياتي لك ..

[تامر الكردى]

يسلموا
اميره
ريم
عمرو
على مرورك الجميل