| |||||||
| شعر - خواطر 2027 - وزن القافية للشعر والخواطر المنقولة " للحـَرفِ توهّـجْ .. مـَراياَ للصـُدورْ تـُرجُمـَان للمشاعـِر " |
 |
| | LinkBack | أدوات الموضوع | انواع عرض الموضوع |
2 - 2 - 2011, 10:35 PM
| المشاركة رقم: 1 | ||||||||||||||||||||||
| المنتدى :
شعر - خواطر 2027 - وزن القافية  بَحِبِّكْ يا مصرْ .. بَحِبِّكْ يا مصرْ .. وبعشقْ ترابكْ . وألِفْ المداينْ .. وأرْجعْ لبابِكْ . وأحِسْ بكيانى .. وكرامتى فْ رحابِكْ . يقولوا فقيره .. يقولوا أسيره .. بشوفِكْ أميره .. وأحبِّكْ يا مصرْ . بحبِّكْ ملايه .. ومنديلْ بِقُويا . مقالبْ من أختى .. وغتَاته مْنْ أخويا . ودعوه مِنْ أمى .. تنسينى همِّى .. وحِكْمَه مْنْ أبويا. وأحبِّكْ صبيِّه .. على البحرْ جايَّه .. فى ساعةْ عصَارى . ونسمه قُبَالْها .. تطيَّرْ فى شالْها .. تبَيِّنْ جمالها .. وتِرجعْ تدارى . وأحبِّكْ مراكبْ .. تعدِّى إللِّى راكبْ .. لبرْ الأمانْ . يدوبْ جوَّا نيلكْ .. ويعطشْ يجيلكْ .. يقوللِّكْ كمانْ . وأقابلِكْ ببُوسه .. فى زفِّةْ عروسه .. ولَمَّه فى بيتنا .. مع ولادْ حارتْنا .. تدُقْ المزاهرْ .. ترُدْ المزامرْ .. تزَغْردْ جارتْنا . نهلِّلْ .. نغنى .. وحلمْ التمنِّى .. ينورْ ليليتنا . وأحبِّك زياره لبيتْ عمْ سيدْ .. ده أصله فقير مِشْ حيقْدرْ يعَيِّدْ .. نعَيِّدْ عليه .. نفرَّحْ عنِيهْ .. ويدعيلْنا دعوه بمليونْ جنيه . فى أرضِكْ يحِسْ الغريبْ إنُّه مصرى .. وإحنا الأجانبْ . ويلْقَى الرعايهْ .. ويلْقَى الحمايهْ .. على كلْ جانبْ . ويمشى ف ربوعِكْ .. ويشبعْ بجوعِكْ .. ويعملْ مصايبْ . ويرحلْ وينسى .. جِميلِكْ ويقْسَى .. ويطْلَعْ يعايبْ . ويرْجعْ تسامْحى .. يا ساكنه فْ ملامحى .. يا سِتْ الحبايبْ . ولادِكْ بَنُوكى .. بروحْهُمْ فَدُوكى .. ويِشْهدْ عليهمْ ترابكْ فى سينا . ومنهُمْ با عوكى .. عشانْ الشِيروكِى .. وفيللَّا فْ مارينا . يعيشوا فى خيرِكْ .. ويدُّوهْ لغيركْ .. ولادْ اللَّذِينا . ولوْ جارْ زمانْهمْ .. يعودُوا لْمكانهمْ .. يلاقوا السَكينَهْ . وتِنْسِى جحودْهمْ .. وتبكى عليهمْ .. عنيكى الحزينهْ . فى أرضكْ سرَحْتْ .. فشَلْتْ ونَجَحْتْ .. وعشْتْ بْبساطَهْ . صاحِبتْ الحمَامْ .. ونِمْتْ فْ سلامْ .. ولوَْ عَ البلاطهْ . تِغَيَّرْ فى شَكلى ..همومى ومشَاكْلى .. لكِنْ روحى لأْ . أعَبَّرْ بغنْوهْ .. وأقولْ نُكتهْ حلوهْ .. لكِنْ يأسْ لأْ . ما طيقْشْ الغَتاتهْ .. وقلبى المسالمْ ما يعرفْ شّماتهْ .. وأقولْ بالتلاتهْ .. بحبِّكْ .. بحبِّكْ .. بحبِّكْ .. يا مصرْ المصدر: منتديات هاى حب - من قسم: شعر - خواطر 2027 - وزن القافية | ||||||||||||||||||||||
|  | ||||||||||||||||||||||
|
3 - 2 - 2011, 12:56 AM
| المشاركة رقم: 2 | ||||||||||||||||||||||
| كاتب الموضوع :
ملكة الاحساس المنتدى :
شعر - خواطر 2027 - وزن القافية رد: بَحِبِّكْ يا مصرْ .. بَحِبِّكْ يا مصرْ .. وبعشقْ ترابكْ . وألِفْ المداينْ .. وأرْجعْ لبابِكْ . وأحِسْ بكيانى .. وكرامتى فْ رحابِكْ . يقولوا فقيره .. يقولوا أسيره .. بشوفِكْ أميره .. وأحبِّكْ يا مصرْ . تسلم ايدك ياقمر على الكلمات الجميله ويارب تعيش مصر دائما فى امن وامان | ||||||||||||||||||||||
|
| | ||||||||||||||||||||||
|
3 - 2 - 2011, 6:40 PM
| المشاركة رقم: 3 | ||||||||||||||||||||||
| كاتب الموضوع :
ملكة الاحساس المنتدى :
شعر - خواطر 2027 - وزن القافية رد: بَحِبِّكْ يا مصرْ .. امين يارب | ||||||||||||||||||||||
|
| | ||||||||||||||||||||||
|
4 - 2 - 2011, 10:22 PM
| المشاركة رقم: 4 | ||||||||||||||||||||||||||
| كاتب الموضوع :
ملكة الاحساس المنتدى :
شعر - خواطر 2027 - وزن القافية رد: بَحِبِّكْ يا مصرْ .. كلمات جميله جدا وفى قمة الروعة تحياتى لكى وربنا ينصر مصر يارب | ||||||||||||||||||||||||||
|
| | ||||||||||||||||||||||||||
|
| مواقع النشر (المفضلة) |
| الكلمات الدلالية (Tags) |
| مصرْ, بَحِبِّكْ |
| |
ملكة الاحساس 
العرض العادي
