10 حركات بسيطة للبحث في قوقل

مــلاك الــروح · 25 - 1 - 2011, 10:08 AM

حركات خفيفة و سهلة حق محرك البحث قوقل Google.

1- للبحث داخل موقع “site:”
مثلاً تبي تدور بموقع مافيه إمكانية بحث، تروح موقع قوقل و تكتب “site:” بعدين رابط الموقع بعدين كلمات البحث.
مثال: “site:http://www.kumailplus.com كُميل”
2- لتصحيح أخطاء و بدليات الإنجليزي
إذا مو ذاكر ازاى تنكتب كلمة معينة بالانجليزي و متردد إذا هي صح، مثلاً ببالي “spontanous” دش قوقل و اكتبها راح تشوف من النتائج المقترحة التهجئة الصحيحة و اللي هي “spontaneous”.
و إذا تبي تعرف معنى الكلمة بس تكتب “define:” قبلها.
مثال: “Define: spontaneous”
3- حاسبة
إذا تبي تحسب شي عالسريع و بويهك موقع قوقل أو التوول بار تقدر تكتب المعادلة الحسابية و يعطيك النتيجة.
مثال: “110 * (654/8 + 3)”
4- الوقت المحلي بأي منطقة بالعالم
بس اكتب time قبل اسم المدينة و طق بحث.
مثال: “time Honolulu”

5- لتحويل العملات
العادة كنت أدش موقع www.xe.com بس عبالة علما ادش الصفحة اللي فيها العملة الكويتية. بس بشريط قوقل بالمتصفح تقدر تكتب التحويل بسرعة.
مثال: “100 KWD to USD” يحول لك 100 دينار كويتي إلى الدولار.
6- استخدام OR
إذا كنت متردد ما تدري الشغلة اللي ببالك بتطلع إذا دورت بأي كلمة من كلمتين حطهم اثنينهم و بينهم تقدر تضيف “أو” اللي هو “OR”.
مثال: “BB OR Blackberry”
7- إحذف نتايج ما تبيها
إذا تبي مثلاً تدور بالنت عن نادي العربي (إي انا شوي عرباوي) بس تبي النادي الكويتي، مو القطري و لا السعودي، تستخدم علامة الناقص “-”.
مثال: “النادي العربي -القطري -السعودي”
8- للبحث عن امتداد معين
إذا تبي تدور على امتداد ملف معين تقدر تستخدم “”filetype:.
مثال: “world cup 2010 filetype:ppt”.
9- للبحث بين أرقام
إذا كنت تبي تدور نتايج بين أرقام مثلاً أو سنوات تقدر تستخدم “..”
مثال: “kuwait 1990..2010″ يعطي نتايج عن الكويت خلال السنوات 1990 إلى 2010.
10- للبحث عن مناطق أرقام تلفون
هالشغلة حق أمريكا أكثر شي بما انه كل ولاية لها امتداد رقم منفصل، مثل الكويت 965 بالأرقام الدولية.
مثال: “541″ راح يطلع امتداد ولاية Oregon بأمريكا أوتوماتيكياً

المصدر: منتديات هاى حب - من قسم: منتدى المواضيـــع العامــــه