| |||||||
| منتديات اسلامية منتدى اسلامى يشمل خطب والقران الكريم احاديث كل ما يخص الدين الاسلامى |
 |
| | LinkBack  | أدوات الموضوع | انواع عرض الموضوع |
8 - 12 - 2010, 7:48 PM
| المشاركة رقم: 1 | ||||||||||||||||||||||
| المنتدى :
منتديات اسلامية  تأملات فى كلام الحبيب بسم الله الرحمن الرحيم (( والنجم إذا هوى ، ما ضل صاحبكم وما غوى ، وما ينطق عن الهوى ، إن هو إلا وحي يوحى )) صلى الله وسلم عليك ياحبيبي يارسول الله قد أيه ياجماعة عبادة التأمل عبادة جميلة التأمل مش معناه بس النظر في النجوم والقمر والكلام ده جربت كده تتأمل موقف حصلك بتفاصيله ، أو حصل لغيرك ، وتشوف حكمة الله تعالى في تصريف الأمور وتوزيع الإبتلائات والنعم طيب جربت تتأمل آيه قرآنية ، كلماتها ، بلاغتها ، إحساسها ، جربت تقرأ القرآن بتفكر طيب خلونا نتأمل مع بعض حديث شريف جميل جداااااااااااااااااا ، من كلام أفضل الخلق ، واشرفهم على الإطلاق ، تعالوا نتأمل كلام حبيبنا النبي صلي الله عليه وسلم عن ابن عباس - رضي الله عنهما - قال رسول الله صلى الله عليه وسلم لرجل وهو يعظه (( اغتنم خمسا قبل خمس ، شبابك قبل هرمك ، وصحتك قبل سقمك ، وغناك قبل فقرك ، وفراغك قبل شغلك ، وحياتك قبل موتك )) رواه الحاكم قد أيه الحديث ده جميل ، تخيلوا كده إننا طبقناه ، هيبقى ايه حالنا كلنا بنشتغل بإخلاص ، كلنا بنعبد ربنا حق عبادته ، كلنا بنتقي الله ، كلنا بنتصدق ، ياترى الفقراء هيبقى أيه حالهم ؟ طيب تعالوا نبدأ من الأول قد أيه إحنا في نعمة !!!!!!!!! لسه معانا الخمسة ( الشباب والصحة والغنى !! والفراغ ولسه عايشين الحمد لله ) بس في مشكلة دايما المشكلة دي بتصيب تفكرنا في نعم الله علينا هي إئتلاف النعمة كلنا بننام بالليل ومقتنعين إننا هنصحى الصبح ، بنام بصحتي ومش متخيل إني ممكن أصحى ألاقيها راحت حتى فينا تخيل انه ممكن ينام وميقومش بالله عليكم ، حد ضامن ينام ويصحى يلاقي نفسه بيشوف ، أو بيمشي ؟؟؟؟؟؟؟ مش ممكن الله سبحانه وتعالى وهو قادر على كل شئ ياخد منك نعمة البصر أو نعمة المشي مثلا أكيد ممكن أنت لا تملك شئ ……….. نحن في قمة الفقر إلى الله تعالى ، لا نملك لأنفسنا ولا لغيرنا أي شئ . طيب نرجع لكلام حبيبنا المصطفى صلوات الله وسلامه عليه وعلى آله وصحبه . اغتنم خمسا قبل خمس وقلنا الحمد لله ، لسه معانا الخمسة ، وقلنا كمان إننا مش ضامنين يفضلوا معانا قد أيه ، علشان كده الرسول صلى الله عليه وسلم قلك ( اغتنم ) ، الحق أصلك مش ضامن . شبابك قبل هرمك يااااااااااه ، قد أيه الشباب ده نعمة ، دين الإسلام قام بالشباب من صحابة رسول الله ، اي نهضة بتقوم على الشباب ، الشباب هما الأمل وأنت شباب عندك حاجات يمكن متكونش حاسس بقيمتها لأنك إتعودت عليها ، ويمكن متحسش بيها غير لما تروح منك ، لما الشباب يخلص ، وساعتها هتسأل عن شبابك فيما أبليته هتقول أيه لرب العباد ؟؟؟؟؟؟؟؟ هتقوله قضيت الشباب في اللعب والفسح ولا قضيته مع أصحابي أحمد الله سبحانه وتعالى على نعمة الشباب ، واشكر النعمة دي بإنك تغتنمه اغتنم شبابك ، بعبادة الله حق عبادته ، اغتنم شبابك بالدعوة إلى الله ، إغتنم شبابك بالمشاركة في صرح نصر الإسلام والنهضة . ولو عايز تحس بقيمة شبابك ، إسأل جدك أو جدتك عن الشباب وخليه يحكيلك ، واحمد ربنا ، واغتنمه صحتك قبل سقمك قد أيه ياجماعة الصحة دي نعمة عظيمة ، الحمد لله تعالى على نعمة الصحة بقى تبقى سليم كده ، وتنام عن الصلاة المكتوبة ، أو تكسل تروح المسجد ، أو تغفل عن مساعدة والديك . والإنسان بطبعه مبيحسش بقيمة النعمة غير بعد زوالها أرجوك ، بلاش تستنى لما الصحة تروح منك وبعدين تندم ، وزي ما قلنا أنت وسمعك وبصرك بيد الله ، متعرفش أيه ممكن يحصلك وكلنا بنشوف وبنسمع عن الأمراض وإنتشارها بين كل الفئات العمرية ، مسبتش طفل ولا شاب ولا شيخ احمد ربنا على نعمة الصحة ، وافتكر ربنا خلقك ليه ( وما خلقت الجن والإنس إلا ليعبدون ) وأوعى تنسى رسالتك في إعمار الأرض . عيش لهدف ، وخليلك قيمة في الحياة ، حاول تعمل عمل أو تنشر علم يخلد إسمك في الدنيا ويدخلك الجنة في الآخرة غناك قبل فقرك الغنى ليس غنى المال بس ياجماعة صحيح انت ممكن يكون معاك مال ، لكنك لا تتصدق ومش مصدق أنه ( ما نقص مال من صدقة ) بس برده أنت معاك حاجات كتيييييييير جدا ، معاك شبابك ، وصحتك ، معاك علمك ، معاك أهلك يااااه أنت غني جدا وفي ناس أغنياء كتير لكنهم فقراء ( إما بالبخل أو بالبعد عن الله أو بأمراضهم القلبية والنفسية ) خد بالك إنت غني بدينك وقربك من الله الغنى ده هو اللي هيخلى الله سبحانه وتعالى يضعك في مرتبة المتصديقين لبضعة قروش صغيرة تنفقها في سبيل الله بإخلاص يفتقده الكثير من الأغنياء وفراغك قبل شغلك أنتوا عارفين النعمتان المغبون صاحبهما طبعا ( الصحة والفراغ ) بس أنا مشغول بجد ياترى أنت مشغول فعلا ؟؟؟؟؟؟ لو دورنا في أوقاتنا وبتضيع في أيه هنلاقي إن معظمنا فاضيين جدااااااا ، عندنا فراغ حقيقي ، ممكن نملاه بحاجات كتير ، بعبادة وصلة رحم وطلب علم مشكلتنا مش في كمية الوقت ، مشكلتنا في تنظيم الوقت نعمة الوقت ياجماعة غالية جداااااااااا ، نشكر الله عليها بحسن تنظيمه واستغلاله . بعض التابعين وطلاب العلم مكنوش بيلاقوا وقت للأكل والنوم والحاجات اللي بتقتل معظم أوقاتنا دي الرسول صلى الله عليه وسلم بنى مجتمع إسلامي متكامل دينيا وأخلاقيا وإجتماعيا وسياسيا في 23 سنة إحنا بقالنا كام سنة نفسنا نغير أي حاجة ومش عارفين !!!!!!!!! إحنا عندنا فراغ كبير مش ضامنين إنه يستمر كتير ، ياريت نستغله قبل ما الحياة توصلنا لليوم اللي ندور فيه على ساعة نرتاح فيها ومنلاقيش وحياتك قبل موتك من أسبوع توفى زوج صديقة لي ، لم يتجاوز 26 سنة مات منغير ما يشوف ابنه الأول اللي ولد قبل موته بإسبوع وهو في غيبوبة ياااااااااااه ، الشخص ده كان عنده أحلام زينا ، أكيد كان نفسه يربي ابنه ويعلمه ، واحلام على مستوى عمله وأسرته ودينه رحمه الله وتقبله في عباده الصالحين وكل يوم بنسمع عن موت الشاب الفلاني والشابة الفلانية الشاهد الموت ميعرفش كبير ولا صغير أنت مش ضامن تقرأ الموضوع للآخر . ياجماعة كل نفس بنتنفسه ممكن يكون آخر نفس أنا كان ممكن أكون مكانه أو مكانها بس ياترى أنا ينفع أموت دلوقتي ؟؟؟؟؟؟؟؟ طبعا ينفع ………. لا شئ بعيد على الله لا مش كده ينفع اقابل الله بحالتي دي ، يعني أنا جاهز للقاء الله ، ووقفة الملكين في القبر تخيل كده لو إستحضرت الفكرة دي دايما انا ممكن أموت دلوقتي تخيل كده إن الخمس دقايق القادمين هما آخر خمس دقايق في حياتك معقول تكون هتموت بعد خمس دقايق وتسمع أغنيه ، أو تتفرج على فيلم ، أو تعق والديك ، أو تغفل عن الصلاة . إغتنموا ياجماعة الشباب بيروح والعمر بيخلص والصحة مش مضمونة والوقت مفيش أسرع منه والمال لا يبقى تأملوا كلمات الرسول صلى الله عليه وسلم ها أيه رأيكم في عبادة التأمل تأمل الحديث مع نفسك شوية ، واعرض تصرفاتك عليه واغتنم المصدر: منتديات هاى حب - من قسم: منتديات اسلامية | ||||||||||||||||||||||
|  | ||||||||||||||||||||||
|
8 - 12 - 2010, 8:16 PM
| المشاركة رقم: 2 | ||||||||||||||||||||||||||
| كاتب الموضوع :
الملاك البرئ المنتدى :
منتديات اسلامية رد: تأملات فى كلام الحبيب جميل جدا يا ملوكه | ||||||||||||||||||||||||||
|
| | ||||||||||||||||||||||||||
|
9 - 12 - 2010, 12:13 AM
| المشاركة رقم: 3 | ||||||||||||||||||||||
| كاتب الموضوع :
الملاك البرئ المنتدى :
منتديات اسلامية رد: تأملات فى كلام الحبيب جزالكى الله خيراا | ||||||||||||||||||||||
|
| | ||||||||||||||||||||||
|
9 - 12 - 2010, 5:17 PM
| المشاركة رقم: 4 | ||||||||||||||||||||||
| كاتب الموضوع :
الملاك البرئ المنتدى :
منتديات اسلامية رد: تأملات فى كلام الحبيب اللهم صلى وسلم وبارك علىسيدنا محمد وعلى آله وصحبهوسلم  ندعو الله العلى العظيم أن يجعل حياتنا طاعة له سبحانه وأن يحسن خاتمتنا ويجعلنا من أصحاب اليمين وأن يثبتنا عند الموت بقول لا اله الا الله اللهم آمييييييين الملاك البرىء بارك الله فيك وجزاك لله خيرا | ||||||||||||||||||||||
|
| | ||||||||||||||||||||||
|
9 - 12 - 2010, 7:53 PM
| المشاركة رقم: 5 | ||||||||||||||||||||||
| كاتب الموضوع :
الملاك البرئ المنتدى :
منتديات اسلامية رد: تأملات فى كلام الحبيب [frame="11 98"] | ||||||||||||||||||||||
|
| | ||||||||||||||||||||||
|
13 - 12 - 2010, 5:43 PM
| المشاركة رقم: 6 | |||||||||||||||||||||||
| كاتب الموضوع :
الملاك البرئ المنتدى :
منتديات اسلامية رد: تأملات فى كلام الحبيب اقتباس:
| |||||||||||||||||||||||
|
| | |||||||||||||||||||||||
|
| مواقع النشر (المفضلة) |
| الكلمات الدلالية (Tags) |
| الحبيب, تأملات, كلام |
| |
الملاك البرئ 
العرض العادي
