هو انت لسه زي ما انت ولا الزمان غيرك ؟؟؟

[imported_نغم]

لسه , ولا , الزمان , انت , غيرك , ؟؟؟

هو انت لسه زي ما انت ولا الزمان غيرك ؟؟؟

بسم الله الرحمن الرحيم

بيتولد الانسان علي فطره الله التي فطر الناس عليها فطره كلها نقاء كلها خير وحب
ومع الزمان بيتغير الأنسان وبيتبدل كل يوم عن اللي قبله حاجات كنت بتحبها بقيت تكرها وحاجات كنت بتكرها بقيت بتحبها
كل ما الوقت بيمر بتتأكد إذا كنت أنت ماشي صح وبخطوات ثابته نحو أهدافك ولاعمال تتخبط في الدنيا ومشاكلها
ومش عارف أنت رايح فين وتجاهد نفسك للفرار بنفسك
** هي الحياة غيرت فيك أيه ؟؟؟
** هو أنت كنت حنين وبقيت قاسي من اللي بتشوفه ؟؟؟
ولا أنت كان عندك حسن ظن في الناس ودلوقتي بقيت بتشك حتي في اقرب الناس اليك .

** هو أنت كنت عصبي وبقيت دلوقتي هادي وبارد كبرود الثلج ؟؟؟
ولا أنت كنت بتتخدع في الناس ودلوقتي بقيت خبير في تقييم كل واحد حواليك بتعرف هو عايز منك ايه من قبل ما يتكلم .

** هو أنت بقيت صلب عن الاول وتقدر تكتم مشاعرك واحاسيسك وتتحكم في قلبك
حتي وانت جنب احب الناس إلي قلبك ولا لسه قلبك بيفضحك بمجرد ما تشوفه ؟؟؟

**هو اللي أنت شوفته علي مدار حياتك غيرك غير فيك فطرتك ولا لسه زي ما أنت ؟؟؟
ياتري بتحس بضعفك وندمك وانت عمال تتنازل في سبيل ناس كنت فاكر انها أهم حاجه في حياتك
وبعد كده تكتشف انك اخر حاجه في حياتهم .

**هوأنت فعلا كنت كويس وبقيت وحش ولا كنت وحش وبقيت كويس ؟؟؟
طيب أنت مبسوط أنك لسه زي ما أنت ولا زعلان أنك لسه زي ما أنت في زمن كل حاجه بتتغير وتتبدل
ولا زعلان علي نفسك أنك بقيت واحد تاني غيرك .

" لسه بتحس بالأنسان الكويس اللي جواك ولا تاه وسط زحمة الدنيا "
ولا لسه بتحارب بكل ما لديك من قوه لتبقي كما أنت أنسان بفطرتك دون أن يغير الزمان ملامحك او يمحيها
لشخص أخر لا تعرفة .


هو أنت لسه زي ما أنت ولا الزمان غيرك ؟؟؟

المصدر: منتديات هاى حب - من قسم: النقاشات الشبابية الساخنة

[imported_نغم]

طيب اتكلم انا الاول


الحقيقة انا اتغيرت عن زمان


كنت مفرفشه ومرحة جدا وبحب الناس

دلوقتى بقيت كئيبة نوعا ما ومحبطة وكرهت الناس شوية

يمكن لانى دخلت عالم النت وعشت صراعاته وغدره

بس لحد دلوقتى لسه بصدق الناس بسهولة مع انى شفت كدب كتير

لسه على طيبتى وتسامحى مستعدة اسامح ولو للمرة المليون

مجرد اعتذار اللى ادامى واحساسه بالندم بيجعلنى انسي

انا مش راضية عن نفسي كتير لان طيبتى بيعتبرها البعض ضعف

ويمكن بيستغلوها !!!

منتظرة تفاعلكم

بااااى

[imported_نغم]

اممممممممممممممم شايفه ناس قرات الموضوع


لكن مفيش تفاعل


منتظرة تفاعلكم

ودى