خليك بيس !!!!! عشان تعيش !!!!

صمتى اعتزازى · 11 - 9 - 2010, 10:35 AM

طبعا كلنا عايشن فى ام الدنيا سدر الحناين ياحنايه ننته مصر المقهوره
الى مش مخليانا عاوزين حاجه منها ابدااااااااا

يعنى الخلاصه حكومتنا ربنايخليهالنا يااااااارب قول يارب يارب مش لازم نمسكلها على الواحده يعنى هى الحكومة هتعمل ايه ولا ايه يعنى مش كفايه مقطعة نفسها عشنا اخس عليكو لازم نقدر تعبها بردو

يعنى منحبكهاش كدا كدا دنيتا هتتعاش

ايه يحصل لو كتمت صرختك
ولا مسحت بايدك دمعتك
تفتكر ايه يعنى اخرتك
مجرد جالطة تيجى لحضرتك
او شلل بسيط يبوظ دنيتك
ويمكن يمكن تموت والناس تحضر ...خرجتك

ياعم متحبكهاش
ايه يعنى الدنيا متعشهاش
ولا حتى يطلعوك معاش
والناس تهلل وتقول
عاش الحر عـــــاش

ملكش دعوه بالسياسة
لحسن حياتك تبقى جنازة
وبدل ياحلو ماتلاقى جوازة
يخرجوك من الدنيا باجازة

وايه يعنى مش لاقى تاكل
ومصريف البيت عايزه جداول
وانت لايص
وكل اللى تعمله ياعينى بتحاول

ولا مالك بعيالك
اللى خريج كليه وقاعد يشحت قدامك
واللى اخدها من قصرها وصاع
علشان تخرجه من دماغك

ولا لـيه تحـــب واحدة سنيــن
وانتم على مصريف الجواز مش قادريين
وفى الاخر تسيبو بعض
علشان باديكم مش طايلين
غير على الكلام والاحلام
والخيبه على وششكم وانتم مش داريين

ياعم عيش وعديها
واضحك دى الناس لبعضيها
وهى كده ولا كده هنقضيها
ونفض وقول ما علينا
ده اللى علينا ملينا
بس متخفش مش لوحدينا
قادر ربك يزيح ماعلينا

ويهد اللى فى بالك وبالى
ماتقول امين ياخالى
بس لو اتمسكت انسانى
انت منظم القاعده
وانا بس عبيط بستهبل فى كلامى

اصل العمر مش بعزقة وده هيكون
حالك لو كنت مكانى

وتمشى تلم فى سبارس
مع انك ياعينى واد دارس
يمكن تكون كمان وارث
لكن محلتكش اللضه

وده حال بلدنا يا روح خلتك
وهو ده بختى وبختك
واوعى تلعن يوم بختك
واهى دنيا باسود منقطة

وساعتها مترجعش تعيط
وتقول انـا كنت متسيط
ده انت ياحلو متخيط
وتموت عريان من غير غطة

ودى اخرت اللى يطنطط
ويسمع كلامى ويخطط
او يسمع عمرو وتامورة
واى فدائى هيتظبط
ولو لصوته مليون صدى

اوعوا تحبكوها بأه

ههههههه اشطـة

بيــــس

منقول

المصدر: منتديات هاى حب - من قسم: النقاشات الشبابية الساخنة