ياعم كبر دماغك

MR.WaLeD · 22 - 8 - 2010, 10:33 PM

السلام عليكم يا شباب
ازيكم يا بنات
عاملين ايه

"يا عم كبر دماغك"
بنسمع الكلمة دى كتير اوى وخاصة فى حياتنا اليومية مش كده

طيب بالله عليكم بنسمعها فين بالضبط

احيانا بنسمعها لما نلاقى حد اعترض على حاجة غلط يقوم يرد عليه واحد تانى يا عم كبر دماغك هو احنا اللى هنغير الكون

دايما بنقول ان اللى بيحصل حوالينا معترضين عليه بس مبنتحركش ومبنغيرش حاجة

لما باسمع الكلمة دى بتدايق قوى لما نبقى شباب واسمنا بناة المستقبل ونقول يا عم كبر دماغك امال مين اللى يغير

اذا كان الكون بدا بواحد يبقى ازاى ممكن ميتغيرش بواحد
بمعاملتك واعتراضك على الغلط ممكن يتغير

عارفين ربنا اوجدنا فى الارض ليه علشان نعمر ونصلح الغلط ومنسكتش عليه كده ممكن نصلح الحال

عايزة اسئلك سؤال انتى مؤمن بنفسك ومؤمن باللى جواك لو مؤمن تقدر تغير كل حاجة حتى ولو الكون

يبقى متكبرشى دماغك يبقى متعميش عنيك عن الحق اصرخ وواجه الغلط حتى لو ده هيخلى اللى حواليك يهاجموك

بس اسمك دافعت عن الحق

فى نهاية ده والكلمات القليلة دى عايزة اسئلكم سؤال

هل انتى من اللى بيكبر دماغه؟
طيب وبعد مقرات ده هتكبر دماغك؟

عايزة اقولكم على حكاية سريعة كده بطريقتى بلاش باللغة العربيه الفسحة لما رب العزة لقى بلد اهلها ظالمين بعث ملائكته علشان يدمروها باللى فيها فرجعت الملائكة الى رب العزة يا رب فيهم عبد صالح عارفين ربنا رد عليهم قال ايه بس بطريقتى فى ما معناه اهلكوه اول واحد فيها عارفين ربنا قال كده ليه لانه سكت على الظلم اللى حواليه ومصلحشى

يعنى حتى لو انتى انسان كويس وبتكبر دماغك عمرك مهيبقى اسمك انسان كويس انت شايف نفسك كده بس رب العزة مش شايفك كده ودى كفايه حتى لو الدنيا شهدتلك

اتمنى ان الموضوع يكون غير حاجة واتمنى تجاوبوا بصراحة ومعدش حد يقول"يا عم كبر دماغك"

لازم نصلح حتى لو الدنيا شايفانا غلط

ياشباب امة محمد عايزين نصلح عايزين رسولنا يفتخر بينا

يبقى شعارنا الاصلاح والتعمير

بحبكم فى الله

اختكم فى الله ايمان

المصدر: منتديات هاى حب - من قسم: النقاشات الشبابية الساخنة