شارك برأيك .. أسباب خسارة الأهلي من الترجي وتوديعه البطولة

[رحماك ربي]

السلام عليكم ورحمة الله وبركاته


خسر الأهلي من الترجي بهدف نظيف "من لمسة يد" في لقاء العودة الذي أقيم في رادس الأحد وودع دوري أبطال إفريقيا من الدور نصف النهائي.
وكان لقاء الذاهب في القاهرة قد انتهى بفوز الأهلي 2-1 ليستفيد الترجي من قاعدة هدف خارج الأرض بهدفين ليتأهل لنهائي البطولة ومواجهة مازيمبي.
ويتحمل حكم اللقاء جوزيف لامبتي جزء من خسارة الأهلي من الترجي كما يتحمل البدري واللاعبين جزء اخر من توديع الأهلي للبطولة.
شارك برأيك وناقش.. أداء الاهلي في لقاء الترجي وأسباب خسارته وتوديعه لدوري الأبطال

[رحماك ربي]

الاهلى خسر لعدة اسباب اهمها:
1- الحكم الغانى
بكرة يقوله ان الحكم ماكنش يقصد وانه بيعتذر لكل المصريين وغانا بتحب مصر وكل الدنيا بتحب مصر فعلا والظاهر ان زى مابيقولو (ومن الحب ماقتل) دا الحكم لو كان يقصد ماكانش عمل فينا كده وعلى فكرة دا حكم فاهم جدا جدا جدا داكان بيحسب علينا فاولات مايحسبهاش غير حكم فاهم فعلا بس علينا بس لكن لينا اعمى لايرى اصم لايسمع حمار لايفهم
2- حسام بيه البدرى
المدرب العظيم والعلامة الجهبز حسام بيه باشا القائم مقام البدرى واحنا هنا لانتهجم عليه هو امكانياته كده و اخطائه كانت كالتالى :
أ - الكل نصحه بان يلعب بليبرو للتأمين الدفاعى نظرا للبطء الشديد فى ارتداد الدفاع خاصةاحمد تقيل السيد (لكنه لم يسمع
ب - التخطيط السىء لمستقبل الفريق واختيار لاعبين فى القائمة الافريقية لم يستفيد منهم مثل محمد غدار ومحمد شوقى
ج - عدم وجود الرؤيه الفنية فى تقييم اللاعبين أواختيارهم وترك جيلبرتو على سبيل المثال وعدم ابداء الرأى فى مسألة احتراف احمد فتحى أوالتمسك بلاعب مهم مثلما فعل جوزيه مع ابوتريكة ومحمد شوقى وغيرهم ( الله يمسيك بالخير يا جوزيه )م
د - خروجه من عباءة جوزيه لمجرد التغيير ووضع اللمسة الخاصة بيه حتى لا ينسب الناس اى انجاز لجوزيه . مش عارف ايه المشكلة فى كده , لنضرب مثالا لو ان احد المحافظين امر بتحويل مقلب زبالة فى حى شعبى الى حديقة وقبل ان ينتهى من الحديقة تم عزله من منصبه هل يأتى من بعده بهدم ماتم من الحديقة المتنفس الصحى للمنطقة لمجرد انه ستنسب الفكرة الى من سبقه اى عقل فى أى دنيا ده (احنا ماينفعش معانا طريقة 4-4-2 لا أمكانياتنا ولا فكرنا)ا
هـ - بصراحة الاهلى كبير عليه أوى
3 - اللاعبين :
اين الخبرة التى اكتسبها محمد بركات بعد كام سنة دولى وبطولات وانجازات كتيرة مع المنتخب والاهلى ليعطى الحق لحكم مرتشى زى ده علشان يطرده
واين خبرة باقى اللاعيبة فى احتواء مثل هذه المواقف التى اعتدناها من تونس والشمال الافريقى كله
لكن هو اللاعيب لما يكون مش قادر يلعب ويبدع يضرب ويخرج عن شعوره ويعمل اى حاجة غير الكورة ( مع ان بركات لا لمس اللاعيب ولاقتله بخنجر لكن مجرد مالمح الحكم ايده رايحة باتجاه اللاعب لم يفوت الفرصة
وربنا يكرمنا ونفهم بقى ونتعلم من اخطائنا





انا عجبني الراي ده


في انتظار أرآئكــــــــــــم

[ĚĜŘĂɱ]

الحكم يشيل جزء كبيييييييير من الخساره
ولكن الاهلى سىء جدا
الاهلى حاول يجارى الترجى فى السرعه وارهق دفاعه والدفاع فى الاهلى زيرو ملوش لزمه
والاهلى متوتر ولعبوا كله فى الهوا وكور طوليه ملهاش اى لزمه وهجوم ضعيف ومفيش محرك للفريق
لا فى خط الوسط ولا فى الاطراف
فى الاخر عاوزين جوزيه خبره البدرى مش موجوده فى الماتشات الكبيره

[رحماك ربي]

تسلم يااجرام علي المرور والرد وخيرها في غيرها
دمت بخير

[Sir BaDr RiweSh]

http://i164.photobucket.com/albums/u26/ajaj2100/a6ff690010.gif