ليه منبقاش متحجبين بجد !!!!!!!

[مودي]

ليه , منبقاش , متحجبين , بجد

ليه منبقاش متحجبين بجد !!!!!!!

السلام عليكم ورحمة الله وبركاته


يلا ندخل فى الموضوع

طبعا الموضوع ده فى كتير هيبقى معايا وهيوافقنى فى الراى وفى كتير برضه مش هيوافقنى
وفى الاخر كل واحد وتفكيره واسلوبه
بس انا عايزه اتكلم ع الموضوع ده عشان انتشر جداااااااااااااااااااا

ليه البنات دلوقت كلهم بقوا اسمهم متحجبين وهما اصلا حجابهم ملوش ريحة اللزمه
هو كل واحد غطت شعرها تبقى متحجبه

اول نوع بقى


واللى بيغظنى بقى اكتر واكتر انى اشوف مثلا بنت لبسه طرحه عادى وطبعا الفول ميك اب
والجينز الضيق جداا والبادى
وبتقول انا متحجبه
طيب تعالى ياحبيبتى متحجبه ازاى وانتى جسمك متفصل من هدومك
لازمتو ايه الحجاب

تانى نوع

بتوع الطرح الاسبنش اللى هى اصلا فى الاصل لفات اسرائيليه

بتلاقى الواحده لابسه ومتظبطه ولابسه الحاجات ورقبتها كلها باينه
ازاى واصلا الحجاب المفروض انك تغطى من اول شعرك لحد صدرك

عارفين انا من يومين كنت بتفرج ع برنامج وكدا والله العظيم شفت واحده جايه تكلم ع الحجاب وكدا

عارفين لابسه ايه

لابسه طرحه عادى وكوم ومفيش اى مشكله بس المصيبه السوده لابسه جيبه قصيره ونص رجليها بايييييييييينه

طب ازااااااااااااااااااااااااااى ياجدعاااااان انا خلاص هتجنن

ده النبى عليه افضل الصلاة والسلام قال لبس المراءه المسلمه هو لا يشف ولا يرف
يعنى تلبسى حاجه متبينش اى حاجه لبساها تحت هدومك ولا حاجه تلزق عليكى

حتى الناس اللى هما لبسهم محافظ اللى بيلبسو عبايات دلوقت
ماشاء الله ولا حول ولا قوة الا بالله موضه جديده ملهاش حل
ان العبايه تبقى ع الجسم بالظبط ضيقه جداااااااااااااا مينفعش توسع شويه
طب ليه كدا متخليها واسعه شويه ع الاقل تبقى ماشيه حاسه انك مستوره
تقولك لا كدا اشيك
اشيك فى ايه بقى عشان مبينه جسمك للى يسوا وميسواش
ياريت يابنات نحافظ ع حجابنا
انا مقولتش تبقى متذمده مقولتش تلبسى نقاب مقولتش متلبيش لبس خروج
لا البسى واتمتعى واعملى كل اللى انتى عيزاه بس فى حدود اسلامنا ورضا ربنا سبحانه وتعالى وسيدنا حبيبنا نبينا محمد رسول الله

ع فكره محدش فينا خالى من العيوب
انا مش هحسسكم انى بعمل كل حاجه يعنى بالحرف عشان ارضى ربنا بس اللى بقدر عليه انى استر نفسى



مش هيجرا حاجه يعنى لما نلبس عبايه واسعه شويه
مش هيجرا حاجه لو خففنا الميك اب
مش هيجرا حاجه لو لبسنا حجاب وغطينا رقبتنا

ياريت اى بنت مش ملتزمه بالحجاب تلتزم بيه لانك طول ماانتى بحجابك وستره نفسك هتبقى غاليه فى عين الكل

طبعا ده نقاش يعنى محدش يزعل منى انى اتكلمت فى الموضوع ده اوى
بس بجد ده اللى انا شيفو وحبيت اتكلم عنه


يارب يكون كلامى عاجبكم
او ع الاقل قدرت افيدكو فى حاجه

المصدر: منتديات هاى حب - من قسم: النقاشات الشبابية الساخنة

[الحوراء]

مــــــــــــــــــودى



رسولنا الكريم صلى الله عليه وسلم
أخبرنا

( صنفان من أهل النار لم أرهما
قوم معهم سياط كأذناب البقر
يضربون بها رءوس الناس
ونساء كاسيات عاريات مائلات مميلات
رءوسهن كأسنمة البخت ،
لا يدخلن الجنةالمائلة ولا يجدن ريحها )

صدق رسولنا الكريم

وهذاللأسف ما نجده هذه الايام
الا من رحم ربى

فتيات ونساء عاريات
العفة والدين والحياء

ولوقرأت كل أخت مسلمة
هذا الحديث واستوعبته
وعلمت عقوبة ما ترتديه
لما فكرت أى واحدة منهن
أن ترتديى مثل ذلك

ولتعلم كل فتاه
أن الدنيا فانية
وما هى الا متاع الغرور

ندعو الله
أن يحفظنا جميعا
من الفتن ما ظهر منها وما بطن

آمييييييين

بارك الله فيك أخى
واثابك الله خير الجزاء

[MeNNa]

جـــــــــزاك الله كل خير


وفعلا كل ده منتشر الايام ده بس اكتر البنات الى همـا بيكونوا كدة دول مفيش عندهم مبدأ لانهم ماشيين تبع الموضة كل موضة تطلع لازم يفعلوها

ووممكن تلاقى بنات من دول يعنى عارفين ربنا كويس وعارفين ان ده مش مناسب للاسلام وان الايمان بيكون بالقلب بس ده بردوه بينعكس على اللبس الخارجى والمظهر الخارجى

إن الله لا ينظر إلى صوركم وألوانكم، ولكن ينظرإلى قلوبكم وأعمالكم

بس مش معنى كدة ان انا أمشى بلبس ضيق كل شخص يبص عليا اشيل ذنوب الدنيا وانا ماشية

لان لازم يكون ايمان الى فى القلب ينعكس على المظهر الخارجى
وان لما طفلة صغيرة تشو بنت بالمنظر ده ماشية تقول انا نفسى ابقى زيها هتشيل بكدة ذنب ان الكل هيقلدها على العكس لما نشوف واحدة ملتزمة بلبسها ومتدينة جدا واخلاقها وايمانها معكوس على المظهر الخارجى اكيد هيكون لها كل الاحترام

وربنا يهدينا جميعا للصواب

اللهم استرنا فوق الارض وتحت الارض ويوم العرض عليك

[مودي]

شكرا علي ردك الجميل يا حورية ومنورة صفحتى ديما

[مودي]

شكرا علي ردك الجميل يا منة ومنورة صفحتى ديما

[احمد جنتلمان]

مــــودى تسلم على طرحك الموضوع القيم دا ونذكر الاخوات جميعا بالايه القرانيه فى سوره الاحزاب الايه 59 ( يا ايها النبى قل لازواجك وبناتك ونساء المؤمنين يدنين عليهن من جلابيبهن ذلك ادنا ان يعرفن فلا يؤذين وكان الله غفورا رحيما ) لك ودى وتحياتى يا مودى 0