منتديات هاى حب - أحبك قلتها بقلبي .. وباحساسي وبلساني

أحبك قلتها بقلبي .. وباحساسي وبلساني

كثير قلوب ترجيها .. ولكن لا يهمّونك
أحبك ما أبي غيرك .. ولو غيرك ترجّاني
أنا شاريك ما بيعك إذا غيري يسومونك

أموت اشتاق لك كلي .. أبيك تزور أعياني
خفوقي يا غلا ينزف وله واشواق من دونك
أطير من الفرح لا من لفى صوتك وحيّاني
أحس اني أهم الناس لا من قلتي : شلونك ؟

ألوم النفس لا قلتي : بكيت وما أحد جاني
أنا وش عاد يضحكني اذا العالم يبكّونك ؟

إلى منّك تضايقتي .. أنا المسؤول والجاني
أنا المفروض ما أرضى أخلّيهم يزعلونك

أحبك زود عن روحي عن اعمامي عن اخواني
وباقي الناس يا عمري .. ترى والله يفدونك

عليم الله لا قلتي : ( أحبك ) .. زالت احزاني
واذا قلتي : ( أحبك موت ) صحت وقلت : مجنونك
غدير الحب في قلبك .. حنان ولهفة ارواني
أذوب بهمسة ٍ عذرا .. وأثبت إني مفتونك

أنا في دنيتي تايه .. ولا ادري وين عنواني
ويوم اني عرفتك صار عنواني هو : عيونك

أغار من اختك وبنت خالك .. وهذا وذاك .. والثاني
أغار من اصغر اخواتك ولا ودّي يشوفونك

منى عيني أضمّك لي وامسّح ذيك الاوجاني
ألاعب خصلة ٍ يمنى ويسرى تعتلي متونك

عيوني لو طلبتيها .. لقيت الكل .. هنّاني
ترى روحي مع عيوني مناهم بس .. يرضونك