منتديات هاى حب - كداب لو قولت

كداب لو قولت
مش فارق معايا
بعدك او قربك منى
وانى مش بفرح لسؤالك عليا
وان صوتك مبقاش بيحرك كل حاجة فيا
كدب.... لو ماتعبتش فى بعدك عنى
ومبقاش عايز تشوفك عينى
والمس ايديكى
ايوة كداب
........
بس وانتى بتسيبينى
مش هتلقى دموع تبكى عليكى
هقفل وراكى كل باب
هانسى كل ذكرى تفكرنى بيكى
وكل حلم حلمت بيه
و اى احساس كان ليكى
انا قلبى ... هادوس عليه
لو فى يوم..... فكر فيكى
........
لكن وانتى معايا
صعب
تجى ع لسانى كلمة بعد
طول مااحنا مع بعض
......
هيبان عليا ..... الكدب
لو مرة ماقولتلكيش ... وحشتينى
ولا فى كلامى قولت ... بحبك
وماقصدتش تجى عينك فى عينى
ومسكت نفسى وما خدتكيش فى حضنى
كداب ..... لو ماحستش فرحة قلبك
لما اناديلك .... حبيبتى
.......
بس ساعة الفراق
لو لقيتك فى يوم بعدتى
مش هتلقى فى قلبى ليك اشتياق
هارضى ..... بوحدتى
ارجع زى ماكنت فيها.... واعيش
هاوافق بعدك
لو عدوا عليا يومين عذاب
وانسى يوم ارجعلك
ولو حصل ده منى ...... ماتصدقيش
هابقى ساعتها كداب
واسالى قلبك يومها
انا ليه جيتلك ؟
ــــــــــــــــــــــــــــــــــــــــ

تقبلوا خاااااااااااااااااااااااااالص تحياتى