قصائد في حب مـصـر

[زهره بلا عطر]

مـصـر , قصائد

قصائد في حب مـصـر

السلام عليكم ورحمة الله وبركاته
بسم الله الرحمن الرحيم


..1..



قصيده ( في حب مصر ) للشاعر اكرم حسن احمد

ف يوم النصر
ف أكتوبر
ف شهر الصوم
على الجبهه
عشان خطرك ..
دفع مهرك
وسال دمي
على ترابك
وشوفته أبويه
ف منامى
يا مصر..
ف حضني
بتنامي
و غنيلك..
تغني له
وبفرح جوه أحضانك
فحبك مصر..
ضحينا
حدود الصعب ..
عدينا
وبسم الله وكبرنا
رفعنا الرايا بـ ادينا
ف حبك مصر
بحور الشعر
ننساها
و بكتبلك على الأشواق
أنا المشتاق تضميني ..
أنا الشاعر ..
بحالة عشق فياضة
أنا نفسي أكون نيلك
و قنديلك
و انور لك أنا ليلك
أكون لحنك
و أغني لك
عن الأشواق
وعن عمرك
وعن شمسك
وعن قمرك
وع الأغصان
يا غصن زتون
حمام ابيض
تاريخ وحضاره جواكي
ياست الحسن
يا شايله الحزن من قلبي
و زارعه الحب جوانا
وحشتيني وأنا معاكى
أنادي لك
أنا جيلك
أنادي لك ..
تضميني
وتخدينى
تلاقيني ..
أنا في نيلك
وعديلك من الأهوال
وان طالت ..
هموم الدنيا
لو مالت على كتفك
اشيلها لك ..
وعديلك صعاب وصعاب
بحبك مصر وبقوه
يا نبض القلب من جوه
يا دم بيجري
في عروقي
كتبت لك
ومن شوقي
بحب في شعبك الطيبه
وروح النصر
بحبك مصر .

المصدر: منتديات هاى حب - من قسم: شعر - خواطر 2027 - وزن القافية