منتديات هاى حب - شيش طاووق بس ايه طلع تحفه بجد

الكمية تكفي: 6 أشخاص
وقت التحضير: 25 دقيقة
وقت الطهي: 30 دقيقة
http://food.fatakat.com/photos/big/5458.jpg
المقادير:
نص كيلو صدور فراخ مخليه
(انا استعملت نص كيلو كتجربه بس )
مقادير التتبيله
2بصله
2حبه طماطم
3فصوص توم
ليمون
علبه زبادي
فلفل اخضر
ملح
بهارات لحمه وكاري وفلفل اسمر التحضير: وبعدين نضرب دا كله في الخلاط وبكده جهزت التتبيله
ونقطع الصدور مكعبات ونحطها في التتبيله من بالليل يفضل كده
بس انا عملتها انهارده فكنت سايباها 3 ساعات بس وبرضه طلعت تحفه بجد
ودي الصدور في التتبيله
وبعدين نجيب طماطم وفلفل وبصلايه او 2 حسب ماتستخدمي للكميه ونقطعهم مكعبات كده
وبعدين نجيب الاسياخ الخشب ونبتدي نرص قطعه فراخ وبصل وطماطم وفلفل بالتبادل لحد ماتخلص الكميه ودا شكلها بعد ماخلصت رص الطبخ: وبعدين نرص الاسياخ في صينيه ونحطها في الفرن ونرش عليها باقي التتبيله بتاعتنا ونقلبها من الوقت للتاني عشان تستوي هي مااخدتش وقت كتير
وبعد مااستوت طلعتها عالشبكه تحت الشوايه
وحمرتها من جميع النواحي تحت الشوايه وقتها كنت مولعه فحمه وحطيتها في وسط الصينيه بين الاسياخ وكبست عليها غطي حله عشان الدخان كله يملاها وكانت ريحتها بس مفحفحه عالاخر بجد طلعت جميله جدا جدا