شوية ضمير

[القرب منك زئططه]

شوية , ضمير

شوية ضمير

شوية ضمير

*******

معدش فاضل حاجة خلاص ـــ غير إن الغلابة تنداس
بيقولوا علينا أم الدنيا ـــ وفى ناس بتقول محروقة بجاز
وكل دا ليه ـــ علشان ناس
ماصين دم الشعب يا عينى ـــ ناس معدومة الإحساس
***
ناس بتموت علشان العيش ـــ وناس تسرق تشترى حشيش
ودا كله علشان فيه بطالة ـــ ولما بنطلب حاجة مفيش
***
ويقولك أنفلونزا طيور ـــ وهما واكلنها بالدور
يحرقوا حبة يقولوا إعدام ـــ والباقي ع السلخانة طابور
***
وشباب كله حماس بيضيع ـــ بكالوريا وأعلى المجاميع
بيقولوا دي هجرة غير شرعية ـــ والنصابين فيهم بتبيع
***
حقنوا أطفالنا بفيروس ـــ وعايزين يرشونا بفلوس
تفتكروا احنا حنعمل إيه ـــ ولا حاجة حنحتاس ونلوص
***
وزاد وغطى كمان أطفال بتتخطف ـــ وتجارة الأعضاء علاج بيتوصف
هي نهاية العالم ولا احنا ـــ اللى كدا مع التيار بننجرف
***
يعمل إيه موظف مسكين ـــ فى الغلى وابو قرش بتلاتين
دا علشان يستر أولاده ـــ محتاج يكون تاجر كوكايين
***
شغلونا بقنوات فضائية ـــ أفلام كوميدية وإباحية
ولو انا غلطان حد يقولى ـــ وانا ابطل الكلمات ديه
***
ولا الكاميرا الخفية ـــ والضحك والمعاميع
يا جماعة حلوا القضية ـــ بزيادة بأة تآليع
***



وشاغلينا بفريق الكورة ـــ ولا بلاش خليها مستورة
مهما كان دا فريقنا القومي ـــ خلى الناس تفك وتنسى أحسن ما تموت محسورة
***
مانكرش إن بلدنا مهتمة بالأيتام ـــ وقضايا غيرها كتير مظبطنها تمام
لكن أنا عايز أقول اهتموا بالشباب ـــ واقفوا جنبهم دول محتاجين تشجيع ومش كفاية كلام
***
دي بلدنا والله فيها خير ـــ لكن الخير دايماً للغير
ليه خيرها ميعدش علينا ـــ ولا خلاص مبقاش فيه ضمير
ولا خلاص مبقاش فيه ضمير
********
*****
***

كلمااات / اخوكم شادى عمــر

عاوز اشوف ارائكم

ان كان عجبكم كلامى ولا لا

المصدر: منتديات هاى حب - من قسم: شعر - خواطر 2027 - وزن القافية