كلمات صنعها القدر .....!!!!

[محمد همام]

القدر , صنعها , كلمات

كلمات صنعها القدر .....!!!!

كلمات صنعها القد ر....!!!!
في البداية ارجو من حضراتكم ان تقرأو ما بين السطور بعنايه لان هذه الكلمات لا اعلم مدى احتياجي اليها ولكن اعلم اني لما بكتب برتاح شويه عن الاول ولذلك سوف اكتب لاخر قطره فى د مى ممكن تقدرو تقولو كده كلمات يأس او تعجيز عن العيش فى هذه الدنيا ارجو من الله ان يعدى هذه الازمه على خير ولكن الامل فى الله كبير قوى لا اعرف ماذا اكتب ولكن ما بداخلى يعتبر بركان كلمات بتنفجر من داخلى وبجد انا لا بالف حاجه ولا بعيش عليكم فى حاجه بس بجد انا بكتب اللى بحسه بس واللى يمكن الاحساس اكبر من كده واكتر كمان المهم بقى يا جماعه الحياه لا هى سهله ولا صعبه لكن احنا بنصعبها على نفسنا ازاى هقولك ازاى اهالينا والعادات والتقاليد الذين يتمسكو بها هى الاساس فى كل ذلك وكمان فى حاجه كمان بلاش اقولها علشان ماابقاش من اخوانا البعده عمتا يعنى الكلام بيوضح نفسه وهو انى الحياه صعبه وعايزه اللى يقدر ياخد منها بدراعه بمعنى اصح بطل زمن بقى انى قاعد مستنى الفرج ولما تستنى يا عالم هيجى عمى فرج ولا مش هيجى اليومين دول او ممكن يتاخر شويه بس القصه يجى او ما يجيش الصبر نجيبه بقى منين يا جماعه ومشكلتنا فى الصبر بقى انى الواحد مش مستحمل نفسه علشان كده بقى الواحد بيتعب بسرعه قوى والمشكله على فكره مش فى الناس المشكله فى انا وهى انى الواحد عاوز يتحرر من القيود اللي عليه ولكن كل ما يجى بقى يتحرر بقى من القيود بيلاقى نفسه غصب عنه بيتحط داخل القيود من اول وجديد وصعب يخرج منها لانى لو خرجت يبقى هقو ل يلا نفسى ومليش دعوه بالاخرين بقى ولكن انا ما اتعودتش بقى انى اقول يلا نفسى من زمان اللى فى ايدى مش ليه ولكن لما بدات اعمل بقى اللى كان لازم يتعمل من الاول لقيت كل حاجه بتحصل بالعكس ازاى هقولك بقى انى الواحد بيكون نفسه ويا ترى تلاقى كل حاجه بيعملها ويكونها تروح فين طبعا لا احد يعلم القدر مخبى لك ايه ولكن بتحصل حاجات بتجبرك انك لازم تقف بجوار اللى محتاج مساعدتك وبتعمل ايه بتقف جنبه لكن انت بتعمل الحاجه دى مستنى لما يجى بقى عليك اليوم اللى بتكون محتاج مساعده او وقفه من الاخرين بتلاقى نفسك لوحدك فى دايره مغلقه ومش عارف تعمل ايه لما بلاقى نفسى كده بصراحه التفكير بياخدنى لبعيد وبقول هو الواحد اللى عمله ربنا بيكافاه عليه ولا ايه ولا الظروف هى اللى بتحكم ولا ايه بالظبط بس انا شايف انى اللى بره الموضوع مش هيحس بنفس الاحساس الذى بداخلى ولكن هقولكم حاجه بالبلدى كده على راى المثل اللى ايده فى الميه مش زى اللى ايده فى النار عمتا انى الواحد لما بيكون لوحده قبل ما بيعمل اسره ويكون يحمل هم بيت واسره واولاد بيكون محدش فى رقبته زيي كده علشان كده لما بتساعد حد قبل الجواز علشان تستنى منه مساعده بعد الجواز يبقى بتضحك على نفسك وبتضحك على اللى حوليك المهم بقى يا جماعه انى بجد الحياه اصعب ما فيها هو الروتين والعادات والتقاليد وكمان فى حاجه تانى انى بجد صعب حد يحس بحد فى الايام دى وحتى لو فى بجد حد بيحس بيك هيهون عليك بس مش اكترولكن التعب هيفضل موجود وطالما فى تعب يبقى مفيش تفكير والمشكله بقى يا جماعه فى ايه انى الواحد متقيد بالاهل والاحباب ومش بيقدر يبعد عنهم وهى دى بقى اصل الموضوع علشان كده بقى يا جماعه ارجو من حضراتكم بعد قراءه هذه الكلمات بعنايه ودرايه بجد انا مش عاوز منكم حد يصبرنى لانى الحمد لله صابر وراضى بقضاء الله بس ارجو منكم اللى عنده مشكله يطرحها وان شاء الله المشوره هتدله على الطريق الصح واللى عنده راى يا جماعه يقولو بعد قراءه الكلمات وانا لو شايف انه ينفع يتعمل بى هعمله بدون اى تردد وشكرا لسعه صدركم بقراءه كلماتى تقبلو تحياتى ......
محمد همام

المصدر: منتديات هاى حب - من قسم: منتدى المواضيـــع العامــــه

[Sir BaDr RiweSh]

كل واحد ف الزمن ده مش بيشيل غير هم نفسه وبصراحة نادر لما تلاقى حد يشيل معاك والاكتر تلاقى حد بيهون عليك مش علشان حاسس بيك لا لانك انت غالى عنده وعزيز عنده ومش عاوز يشوفك بالحالة دى ولازم كل واحد يا همام زى ما قلت يرضى بقضاء ربنا ولو ع الصبر تدعى ربنا يديلك من عنده الصبر وانه يقف معاك ف حل مشاكلك ولو انت مع ربنا دايما من غير كلام هيقف معاك ويساعدك وهينولك اللى فيه الخير وزى ما الرسول قال (صلى الله عليه وسلم) "عسى ان تحبو شئ فهو شر لكم وعسى ان تكرهو شئ فهو خير لكم" مفيش غير ربنا اننا ندعيه بحل مشاكلنا وزى ما احنا عارفين ان ربنا مش بيرضى بالظلم اكيد اى حد ف مشكلة او ازمة ... ألخ يبقى أكيد مليون % عصى ربنا ف شئ وهو مش حاسس بكده ادعى ربنا يا همام انه يديلك الصبر ع الازمات والمشاكل وحلها لما يقف معاك وان شاء الله هيديلك الصبر وهيقف معاك ف حل مشاكلك

[محمد همام]

[OVERLINE]
كلامك جميل قوى يا ميدو واكيد طبعا الواحد عمل حاجه مش هقولك انى ما عملتش لانى مفيش حد معصوم من الخطأ ولكن بجد انا بدعى وبقول يارب لانى مفيش غير ربنا اللى بنلجا له فى كل شىء واخيرا يا ميدو بشكرك على مرورك بموضوعى وتقبل تحياتى
[/OVERLINE]

[رحماك ربي]

فعلا ياهمام كلام بدر صح كل واحد دلوقتي مش بيفكر غير في نفسه وبس وبقا نادر لما نلاقي حد مخلص وبيفكر فينا اما موضوع الحل لمشكلتك هو انك تعمل اللي عليك وتصبر والي عايزه ربنا هيكون
وان شاء الله كل خير ربنا يحققلك اللي بتتمناه

[محمد همام]

[OVERLINE]
شكرا يا ملك على كلماتك وان شاء الله رنا يقدم ما فى الخير بقى وقللن يصيبنا الا ما كتب الله لنا
[/OVERLINE]

[بنوته كيوت]

[frame="7 80"]الصبر كنز من كنوز الخير، لا يعطيه الله عز وجل إلا لعبد كريم عنده [/frame]
وربنا يصبرك امين يارب