منتديات هاى حب - يوميات نكته ههههههههههههه

يوميات2010 Comedy & Love

الحلقة الاولى

المشهد الأول :
حوار يدور بين هشام و منه في احدى الكافيهات

هشام : أنتى عارفه أنتى بتقولى ايه
منه : طبعا عارفة يعنى هقول حاجه انا مش عارفاها . أنت
عبيط
هشام : ( بصوت عالى و عصبيه ) أنا عبيط
منة : خلاص يا حبيبى متزعقش لازم يعنى كل الناس
تعرف أنك عبيط .
هشام : بقى كده يا منه
منه : كده ايه
هشام : خلاص و لا حاجه أنا ماشى سلام
منه : ( تتكلم بدلع اوى ) هشام استنى
هشام : نعم يا منة
منة : أصلك نسيت تحاسب الكافيه
هشام : خدى حسبى انتى 50 جنيه و خليى الباقى ليكى
منه : ليه هتبقشش عليا امسك 20 جنيه الباقى
هشام : طيب يا ستى شكرا سلام
منه : استنى
هشام : ايه تانى
منه : أنا مش معايا فلوس اروح البيت
هشام : طيب تعالى أوصلك
منه : المفروض أنى زعلانه منك ازاى بقى هتوصلنى
هشام : طيب اعمل ايه انا دلوقتى
منه : هات 10 جنيه اروح بيها
هشام : اتفضلى
منه : شكرا يلا باى
هشام : سلام يا منه
ملاحظات : تخرج منه من الكافيه قبل هشام و هى مبسوطه اوى عشان
قدرت تغيظه .

المشهد الثانى :
منه ف غرفه نومها بتغير هدومها و فجأه الموبايل هيرن
حوار يدور بين منه و احدى صاحبتها
منه : الو ازيك يا داليا
منه : الحمد لله كويسه
منه : بقولك ما تيجى ليا البيت دلوقتى عاوزة احكيلك ع حاجات كتير
منه : ماشى يا دودو مستنياكى باى

المشهد الثالث :
ف ريسبشن شقه منه جرس الباب بيرن
حوار يدور بين ام منه و داليا
أم منه : أهلا أزيك يا داليا ايه اخبارك
داليا : الحمد لله يا طنط أنتى أزيك
أم منه : الحمد لله ، عاوزة تشوفى منه
داليا : امال انا جايا عشان اسلم عليكى هههههههه
أم منه : ( تسحب داليا من عند الباب ) خشى ليها الاوضه اللى فى الوش
داليا : عارفه والله

المشهد الرابع :
ف غرفه منه
حوار يدور بين داليا و منه
داليا : أنتى ازاى عايشه مع امك دى
منه : قدرنا ما علينا ، النهارده خليت هشام ع اخره منى
داليا : ليه كده
منه : اصلى شوفته واقف مع شله بنات فقولت ليه انه يحلف ميكلمش اى
بنت غيرى
داليا : يالهووووى عليكى ده انتى مصيبه طبعا رفض
منه : هو مقليش رد بس اكيد هيرفض

داليا : وهتعملى ايه
منه : و انتى لزمتك ايه قوليلى اعمل ايه معاه
داليا : اتصلى بهشام و عيشى عليه دور الرومانسيه
منه : انا مبحبش الرمانسيه
داليا : معلش تعالى ع نفسك شويه
منه : طيب هتصل بهشام دلوقتى
منه : يالهوووووووووو ى

نهاية الحلقه الاولى
و حصلت حاجه مكنتش ع بال منه خالص هنعرفها الحلقه اللى جايه

مستنى الردو و لو مش عجبتكوا يا ريت تقولوا ليا