العودة   منتديات هاى حب > >

النقاشات الشبابية الساخنة ناقش معنا بهدوء وبدون تعصب أشهر وأهم القضايا والمواضيع التى تشغل الجميع

بنات اليومين دول ......

بسم الله الرحمن الرحيم قبل اى ضرب ( انا مش بتكلم على كل البنات طبعا )..انا بعبر عن وجهة نظر الشباب الى صعبان عليا وهقول شوية صفات كده ع

إضافة رد
 
LinkBack أدوات الموضوع انواع عرض الموضوع
قديم 1 - 9 - 2009, 2:54 AM   المشاركة رقم: 1
المعلومات
الكاتب:
اللقب:
الصورة الرمزية
 
الصورة الرمزية ليندا

البيانات
التسجيل: 20 - 7 - 2009
العضوية: 118
المشاركات: 793
بمعدل : 0.15 يوميا

الإتصالات
الحالة:
ليندا غير متواجد حالياً
وسائل الإتصال:

المنتدى : النقاشات الشبابية الساخنة
Wink بنات اليومين دول ......


بسم الله الرحمن الرحيم

قبل اى ضرب ( انا مش بتكلم على كل البنات طبعا )..انا بعبر عن وجهة نظر الشباب الى صعبان عليا وهقول شوية صفات كده ع الماشى

نبتدى فى اول صفة


1- النكد

مشفتش اى بنت مش بتحب النكد والنكد ليه صور كتير

الخناق عمال على بطال وتنكد على جوزها او خطبها الى يعينى بيكون غلبان
وبيستحمل ( اى والله احنا مظلومين بقينا زى الجمال من الى بيحصل فينا )

طيب مفيش خطيب ولا جوز يبقى التليفزيون وكام مسلسل درامى او فيلم وعلبتين مناديل وهات يا عياط

حتى الدراسة بعد اى امتحان لازم تخرج تعيط فى ايه يا بنتى مالك اصلى محلتش
النقطة الاخيرة فى الامتحان هسسسسسسسقط ( مع العلم ان النقطة دى فى سوال
اختيارى وهى حلته زيادة تاكيد)




2- الميول العدوانية

عمرك شفت بنت بتتفرج على مصرعة ؟؟؟

ايوة والله فى بنات كتير بتتفرج على مصارعة وحافظين اسماء المصارعين كمان
وحركتهم ...غير ان فى بنات كتير بطلات رفع اثقال- وتايكوندو- والعاب عنيفة
كتير ( يارب لما تعاكس متقعش فى ايد وحدة منهم)


3- الاسراف

بيحبو يشترو اى حاجة مش مهم هى ايه او بتعمل ايه او فايدتها ايه بس هى حاجة جديدة وخلاص غير اللبس والميك اب والجيم..الخ الخ

تعالى فى مرة اعمل دور جنتلة وقول لبنت انا عزمك فى اى مكان تحبيه بس تكون عامل حسابك وبايع بيتكم قبلها عشان تسدد الفاتورة
لان مفيش بنت هتدخلك محل كشرى ولا مطعم فول


4- الغيرة

الغيرة للبنت حاجة عادية للولد تبقى شك
طيب والبنت الى بتبص للبنات الى فى الشارع او الكلية او الشغل عشان تشوفهم
بيعملو ايه وتعمله ( تلقيها ديما تقولك هى فلانة حلوة كل ده ميك اب بس /
علانة دى اصلا كانت كذا وكذا وكذا ...)

5- العند

العند ده صفة منتشرة جدا بيحبو يعندو عشان يحسسو الشباب انه بيتفقو عليهم
تعالى كلم وحدة فى التليفون وقولها اقفلى تقولك لا انت الاول انت تصر انها
تقفل الاول هتعند معاك لحد مارصيدك يخلص والخط يقطع من عندك ( مهو طبعا
انت الى متصل ...يا جنتل )

6- البراءة المصطنعة والهدوء

البنت ديما تلقيها فى اول مرة تتعرف عليها بتكون هدية ولذيذة ودمها خفيف
ولو زعلتها بتسكت وممكن تعيط كمان...بعد فترة لو لمحت من غير ماتقصد
وزعلتها هتتمنى لو كنت فى قفص الاسد دلوقتى على الاقل ممكن يتفاهم معاك
عنها


تعالوا بقي نشوف الحب عند بنات اليومين دول ( خد بالك يا صاحبي لتروح في الكازوزة )

الحب عند البنات .. يسير وفقا لسياسة الباب الموارب ..
بمعنى أصح .. لا بيرحموا ولا بيسيبوا رحمة ربنا تنزل!


-(انت الوحيد اللى قدر يفهمنى من أول مرة.. عارف أنا لو فكرت أتجوز بعد
الشر.. بعد الشر.. يعنى أكيد هأتجوزك .. بس بجد احنا أصحاب.)الكام كلمة
دول هما الكلمات الاكثر تداولاً لدى البنات وهما طريقهم وملخص لاسلوبهم فى
التلاعب علينا يا ولاد يا مساكين قدام كيدهن العظيم ، تلاقى البنت من دول
من أول مرة تشوفك فيها وأسلوب كلامها يتغير وتبدأ تقرب منك ولو اتشديت
ليها أكيد انت كمان حتقرب لها وبمجرد ما تقرب انت منها تبدأ هى ترسم خط
بينكم أو شعرة بتسيبها دايما بين انكم تكونوا أصحاب أو بتحبوا بعض هى
بتكون خايفة انها تحبك وانت ما تحبهاش فعشان ما تطلعش ضعيفة أو يكون الحب
من طرف واحد بتقوم تظهر وكأنها صديقتك وليست حبيبتك ، تبقوا مع بعض فى
الجامعة وقاعدين بتتكلموا فى أى حاجة وفجأة تسييبك وتقعد تتكلم مع أى حد
من أصحابها التانيين ولما تيجى تعاتبها ترد علك بكل سذاجة : فيه ايه ..
انت بتغير على ؟!"

وكأنها لا تسأل بل تتعجب وكأنها تقول " فوق يا أحمد احنا أصحاب " وتبدأ
انت بالتعامل مع الموقف على هذا الاساس وتنحى مشاعر الحب جانبا وتبدأ
تتعامل معها على أنها صاحبتك لغاية ما تفوق تحبك ولو حصل وشافتك واقف مع
بنت بتتكلم معاها فترة طويلة أو اتخانقت مع ولد عشان بنت تانية تقوم تقولك
وهى بتزعق " انت سايبنى واقفة هنا وعمال تتخانق وتتسرمح مع البنات؟ "





تقوم ترد عليها بكل سذاجة " ايه .. انت بتغيرى عليا ولا ايه؟! " ويعود
الشد والجذب ولما تحس ان الشعرة اللى بينكم بدأت تكبر تقوم ترفعها وتقرب
تقطعها وتقولك لو سمحت ما تكلمش فلانة أصلى مش بأستريح لها خالص ولا فلانة
عشان مسهوكة زيادة عن اللزوم ولا فلانة ولا فلانة ولا فلانة ولو كلمت
فلانة الفلانية دى بقى يبقى تنسى إنك عرفتنى خالص ..
لتطول مقصلتها رقاب كل البنات اللى على موبايلك لتعود وتسألها " ايه انت بتغيرى ؟"

وكرد فعل لهذه الخية المفاجئة منها والغيرة المفاجئة برضه تبدأ انت تحن
وتقرب منها أكثر.. وتخفف كلامك مع الناس اللى هى بتكرههم وبعدين يا أخى
فجأة وبدون سابق انذار تيجى تقولك " على فكرة يا أحمد أنا كنت عاوزة أقولك
على حاجة مهمة أنا فى واحد حبيته وبما اننا أصحاب كان لازم أنت اول واحد
يعرف" تمالك أعصابك وما تسبلهاش عنيك , عادى هى دى البنات وأكثر من كده ،
الطبيعى والمفروض انك تقولها " بصراحة أنا ما كنتش مصدق اننا متوافقين
بالشكل الغريب ده.. أنا كمان فيه واحدة بأحبها وكان لازم تكونى أول واحدة
تعرف" _ نصيحة _اختار احدى الفلانات التى اشتكت منهن ولتكن أول فلانة فى
قائمة الممنوعات وعلى ضمانتى ستقطع الشعرة وتحرقها.







عرض البوم صور ليندا   رد مع اقتباس
قديم 1 - 9 - 2009, 8:36 AM   المشاركة رقم: 2
المعلومات
الكاتب:
اللقب:
Senior Member
الصورة الرمزية
 
الصورة الرمزية أمور بس مغرور

البيانات
التسجيل: 27 - 8 - 2009
العضوية: 145
المشاركات: 1,423
بمعدل : 0.27 يوميا

الإتصالات
الحالة:
أمور بس مغرور غير متواجد حالياً
وسائل الإتصال:
إرسال رسالة عبر MSN إلى أمور بس مغرور إرسال رسالة عبر Yahoo إلى أمور بس مغرور

كاتب الموضوع : ليندا المنتدى : النقاشات الشبابية الساخنة
افتراضي

مششششششششكوٍرٍه يآلينـآ بجد موضوع رآئع تسلم أيدك بس فعلآ حوآر النـكد ده صـح :) بطلوٍ نكد وأعملو اللى نفسكو فيه



عرض البوم صور أمور بس مغرور   رد مع اقتباس
قديم 1 - 9 - 2009, 10:41 AM   المشاركة رقم: 3
المعلومات
الكاتب:
اللقب:
Senior Member

البيانات
التسجيل: 30 - 6 - 2009
العضوية: 91
المشاركات: 724
بمعدل : 0.13 يوميا

الإتصالات
الحالة:
دنيا الوله غير متواجد حالياً
وسائل الإتصال:

كاتب الموضوع : ليندا المنتدى : النقاشات الشبابية الساخنة
افتراضي

ههههههههههههههههههه ايه يا لينا انتي مع مين بالظبط ده بدل ما تدافعي عننا تقومي تفضحينا

تسلم ايدك على الموضوع يا كمر

تقبلي مروري



عرض البوم صور دنيا الوله   رد مع اقتباس
قديم 1 - 9 - 2009, 10:58 AM   المشاركة رقم: 4
المعلومات
الكاتب:
اللقب:
الصورة الرمزية
 
الصورة الرمزية ليندا

البيانات
التسجيل: 20 - 7 - 2009
العضوية: 118
المشاركات: 793
بمعدل : 0.15 يوميا

الإتصالات
الحالة:
ليندا غير متواجد حالياً
وسائل الإتصال:

كاتب الموضوع : ليندا المنتدى : النقاشات الشبابية الساخنة
افتراضي

يسلمووو على المرور ميدو .:... دنيا نورتوني



عرض البوم صور ليندا   رد مع اقتباس
إضافة رد

مواقع النشر (المفضلة)

الكلمات الدلالية (Tags)
اليومين, بنات, دول

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO