منتديات هاى حب - تعالى شوف نميمه الشباب.....يارب تزعلو.

السلام عليكم ورحمه الله وبركاته

البنت دايما نفسها تعرف حبيبها او اخوها وانتمها لما بيقعد مع اصحابه هل بيقعدو ينمو زى البنات ما بتنم ولا هما ليهم اسلوب تانى خاالص فى النميمه وعشان كده بعد بحث كتيير جبتلكو النهارده الموضوع دا

(((النميمه بيين الشباب )))

واكيد بردو مش كل الشباب واحد ولا مواضيعهم واحده وعشان كده قسمتهم للتــــــــالى ::

الشبـــاب المتد يــــن

ده اول نوع هتكلم عنه واحب اقول ان الكلام الى بنهم مايعتبرش نميمه ده بيبقى كلام جميل لانه بيبقى اكيد فى ذكر الله وطبعا ذكر الله ملوش حدود

الشباب المهايبر

دول بقا بيبقى الواحد فيهم شاربلو سيجارتين ومكبر الجى على رأى مورجان وعايش الحياه فل الفل وتلاقى عنيه حمرا ومش شايف حاجه ادامه وتلاقى معظم النميمه بين الشباب دول عباره ((عارف حته البتاع ده بكام دلوقتى ..مش عارف ...يا اخى دا كل يوم بيغلى والواحد مش عارف هيعمل ايه بعد كده ...عندك حق والله هما مش عارفين احنا بنجيب القرش منيين ...هههههه من عند بتاع الحشيش ههههههه..بقولك صحيح الواد فلان عندو فرح بكره انما ايه وفيه شرب للصبح ...معاك طبعا يا شقيق ..بس مش فلان ده الى اتخانق اول امبارح والواد علان ضربو فى بطنه بمطواه سيحله دمه؟؟...لالا متقلقش ده اخوه يا جدع))وهكذا الكلام مابينهم

شباب التفاريح

تلاقى شله كده راكبين عربيه ورايحين جايين بيها واكيد مش بتاعتهم اصل التأجير رخص اوى دلوقتى وشغالين معاكسه فى مخاليق ربنا وطبعا معليين الكاسيت على الاخر واكيد هتلاقى اغنيه اجنبيه شغاله وهما ولا فاهمين حاجه اهم بيهزو دماغهم عليها وخلاص واكتريت كلامهم بيبقى كده (ايه رأيك نطلع بالعربيه طلعه كده لاى حته ولا اقولكو تعالو نسافر ونتعرفلنا على بنتين حلوين ونعيش الحياه )وطبعا تلاقى موافقه بلاجماااع(قشطه يا معلم) (...ولا اقولكو انا هكلم البت فلانه صاحبتى واخليها تجيب شلتها ونتقابل كلنا وندخل السينما قشطه ...طب بقولك ايه ماتخليهاش تجيب البت علانه لاحسن دى زنانه وبصراحه ما بتدفعش اى حاجه وممكن تخلينا احنا ندفعلها السينما))

الشـــــباب الحــــــبيبه

دول بقا ليهم جزئين يأما بيحبو بجد يأما بيقضوها
الى بيحب بجد هتلاقيه على طول بيتكلم عن حبيبته وناوى على كذا وهيعمل كذا وبيفكر فى مكان جديد يروحو هو وهى
انما بقا الى بيقضوها كلامهم بيبقى كده
(ياااااه اسكت مش فلانه عملت كذا اه اه وطلعت مصاحبه فلان ومعرفش شفتهم فين اول امبارح وعملت نفسها مش عارفانى
فكرانى بقا لما اشوفها معاه هتكسر وبتاع انما على مين دنا مأكلها الهوا كله يا برنس)
وياسلام بقا لو واحد فيهم متعرف على بنوته جديده
تلاقى صاحبه بقا صباح البراشوت ويكون النميمه بنهم كده
((كلمها وقولها تجيب واحده صاحبتها وهتبقى مصلحه ياعنى انت هتتكلم مع البنوته بتاعتك وانا هتسلى مع التانيه وادينا بنقضيها ))

الشباب الدحاحـــــــين

صباح المذاكره الى ملهاش حل وتلاقى دول دايما فى قعدتهم النميمه بتاعتهم كالتالى ((بقولك ايه فهمتى المسأله بتاعت امبارح دى كانت صعبه اوى على فكره يا ريت نلحق نحجز فى السنتر عشان انا واقع فى الماده دى))
((بقولك ايه عايزين بكره ننزل بدرى عشان نروح المدرج بدرى ونلحق مكان لاحسن امبارح قعدت ورا وكان فيه شباب عمالين يبعتو حاجات بالبلوتوث وصوتهم عالى ومعرفتش اركز خاالص))
((فلان جاب حاجات مهمه اوى واهله مسافرين النهارده تعالا نروح نذاكر كلنا مع بعض))
فعلا النوع دا بيبقى كل كلامو فى المذاكره والدراسه

شبــــــــــــــاب الجامـــــــــــــعـــــــــه

ممكن نقول على النوع دا انه تقريبا شامل من كل نوع فات لانه الجامعه فيها كل حاجه وكل الانواع وبيتكلمو فى كل حاجه بس بردو هقولكو النميمه الى بتحصل بيهم
((رن كده على فلانه وشوف يابنى مجتش ليه ..يا عم ليها حق تتأخر هو الى راح رحله امبارح دى ينفع يجى الجامعه النهارده اصلا...اه صحيح اسكت الرحله بتاعت امبارح دى كان فيها شويه بناااات اووووووف بجد مشكله مش تقولى فلانه الى انت مصاحبها....لالالا بقولك ايه مكلش دعوه بدى انا كل البنات عندى حاجه ودى حاجه تانيه ...خلاص يا عم خلاص بس اقولك على حاجه الرحله دى ابتديت فعلا بعد السجارتين العسل الى شربتهم ....اسكت بقا بدل ماحد يسمعنا وياريت بقا نبتدى نذاكر عشان الامتحانات قربت ...امتحانات ايه بس بص البت فلانه هشوفها النهارده وهتجيب معاها واحده انت ايه نظامك ...قشطه احنا نعدى على الواد فلان ناخد منه العربيه ونعيش يا معللللم))
وعشان ما اطولش عليكو اكتر من كده اتخيلو انتو بقا بقيت الحوار

وبكده ااختم موضوعى واتمنى ينال اعجابكم وخصوصا الاخوه الشباب وربنا يستر ومايتعمليش حظر من الاخوه المراقبين الشباب

والى البنات ترقبو نميمه البنات ان شاء الله