ورينى الدبل، يا كرومبه

MR.WaLeD · 22 - 7 - 2011, 8:49 AM

السلام عليكم ورحمه الله وبركاته

حبايبى الحلوين عاملين ايه .. ؟

يارب الجميع يكون تمام وبخير

بصراحه الموضوع اللى هاتكلم فيه دا

بيستفزنى دايما

بشوف ناس كتير ومنهم صحابى

لما يكونوا يعرفوا بنت ومرتبطين بيها ارتباط مش رسمى

او من الاخر بيحبوا بعض

بس مافيش بينهم حاجه رسمى لسه

يقولك دى خطيبتى .. ماحدش يتكلم عليها

وممكن يحلف 100 يمين على كدا

طب ايه اللى يخلى واحد زى دا يكدب .. ؟

فى اغلب الاحيان

بيكون بيكدب عشان مظهره العام ادام الناس

خاصه لو كان عامل فيها مصطفى حسنى وسط صحابه

ويحلل دا .. ويحرم دا

ويحرم الاختلاط بين الشباب والبنات

فا بالتالى ماحدش ييجى يقوله ما انت بتختلط اهو

ولا هو حلال ليك وحرام لينا !!

دا بقى بيبقى لابس قناع الدين عشان يوصل لحاجات معينه جواه

ونفسيته ضعيفه

وممكن كمان نقول عنده نقص

لانه عايز يعمل حاجه

وفى نفس الوقت مش عايز حد غيره يعمل الحاجه دى

حتى لو كان وسيلته فى تحقيق الغرض دا

انه يتستر ورا الدين

واهو كمان بالمره ممكن يقرب للناس

اصله متدين وعارف ربنا

وفى نوع تانى

بيكدب فى موضوع الارتباط ويقول على البنت اللى بيحبها

انهم مخطوبين

عشان يمنع ان حد يتكلم عليهم

او عشان يبقى سبب يقدر يقنع بيه صحابه او اى حد يعرفه

انه مايتعرضش للبنت دى

تبقى تبعه يعنى من الاخر

انا بقى مش متفق لا مع الحاله الاولى او التانيه

مفيش حاجه فى الدنيا تستدعى انى اكدب عشانها

طب انا لو كدبت دلوقتى وقولت ان دى خطيبتى

وجينا بعد فتره حصلت مشاكل لقدر الله

وسيبنا بعض

ساعتها هى هاتقول الحقيقه للناس

وهايبقى منظرى انا وحش

وناس كتير هاتستعيلنى وتستنقصنى

طب ليه احط نفسى فى موقف زى دا !!

الموضوع دا حصل هنا فى المنتدى

ومش مره واحده

لا اكتر من مره

وانا ومعظم صحابى وحبايبى الحلوين

استنقصنا اللى اشتغلونا وعاشوا علينا الدور

وكل حاجه انكشفت وبانت بعدين

وطبعا اللهم لا شماته

مابنشمتش فى حد

بس خلاص عرفنا ان دول بتوع حوارات

ومش هانصددقهم فى حاجه يقولوها تانى