منتديات هاى حب - بحبة اوى

[frame="7 98"]بحبه قوي وسابني وراح اتجوز واحده تانية ودلوقتي راجع تاني
حبيته قوي وكان بينا اجمل ايامي حبيته بشكل رهيب مش شايفة راجل غيره نهائيييييييييييييييييييييييييييييييييييييييييييييي ييييييييييييييي

القصة ابتدت اننا كنا مع بعض في الشكل هو فيه كل حاجة اتمنتها في حياتي حبينا بعض من اول نظرة
فارس احلامي بالملي
تفكيرنا زي بعض مشاعرنا زي بعض
المهم
جه الوقت اللي يتقدملي فيه وكنت طايرة من السعادة

والمفاجاة

ان والدته مترداش تيجي البيت وتصمم انه ميتجوزنيش وتسعي بكل جهدها انها تدورله علي عروسه تانية

حسيت بالظلم جدا حاولت اتكلم مع اهله

بس المصيبة ان هو اللي مش عاوز يتمسك بيا

بسبب ايه كبير العيلة مينفعش يفرض اختياره عليهم

وتخيلوا كنت عاوزة اروح ابوس ايد امه ورجليها علشان توافق

هو وافق علي العروسة اللي هما جابوهاله

وكتب الكتاب

انا اتدمرت بس حاولت مبينش للي حواليا علشان ميزعلوش علي زعلي

حاولت ابينلهم انه عادي هو حر وانا بموت في كل لحظة

كنت بقف في البلكونة بالساعات مستنية بس اشوف عريبته وهي داخلة الشارع لانه ساكن قريب مننا

وكنت بتمني بس اشوفه

شغلت نفسي في الشغل وانا اصلا بحب النجاح في شغلي

بس مش قادرة انساه

تخيلواااااااااااااااااااااااااااااااااااااااااا

في يوم لقيت عربيته قدام البيت تخيلوا ليه

كان بيجيب فستان الفرح من المحل اللي قدامي

شوفته بس وهو بيجيب فستان الفرح

كرهت نفسي وكرهت البيت وكنت كل ما اطلع البلكونة اقول حسبي الله ونعم الوكيل

المهم غيرت المكان اللي انا فيه

وبعد 5 شهور من جوازه بيسال عليا

جاي بيقولي سامحيني بس اسامحه ازاي وانا لسه عايشة بنار اللي عمله فيا

بيقولي ظروفه بقت صعبة وهو برده اتضر من بعده عني

بيقولي مش هيسامح نفسه انه ضيعني من ايده

وبيقولي انه طلق مراته ورجعها تاني

انا حالتي بقت اصعب لما جالي تاني

قسيت عليه بالكلام قوي بس ده من اللي فيا

تعبانه قوي مش قادرة ابطل تفكير فيه لا ليل ولا نهار

مش قادرة انام ولا قادرة اشتغل

اعمل ايه قوليلي

انا بموت يوم ورا التاني[/frame]