متنازلة عن حقي في عيد الحب

[مــلاك الــروح]

متنازلة , الحب , حقي , عيد

متنازلة عن حقي في عيد الحب

[ALIGN=CENTER][TABLE1="width:95%;background-color:burlywood;border:4px solid darkred;"][CELL="filter:;"][ALIGN=center]

مش عاوزة حب في عيد الحب
متنازلة عن حقي في عيد الحب
متنازلة عنه ونفسي يروح الحب ده
لقلوب الناس الوحشين القاسيين الشريرين
اللي لسة مش عارفين يحبوا مصر ازاي
اللي لسة قادرين يتجاهلوا الحب اللي نور مصر
وبيحبوا نفسهم اكتر
ولسة قادرين يسرقوا وينهبوا ويخربوا ويروعوا الآمنين
ويجيوا على حق بعض ويزعلوا بعض
بسأل نفسي هم ازاي كدة؟؟؟
ازاي بيتجاهلوا ولادة روح جديدة محتاجة كل حد في البلد دي يطبطب عليها
اللي لسة الحب مطهرش فيهم شيء
عاوزة اقولهم ياللي بتحبوا نفسكوا اوي كدة
اتعلموا تحبوا بعض وتحبوا مصر
علشان احنا ماشيين وهي اللي باقية
ومصر حبيبتي
ما بتفتكرش من اللي بيمشوا
غير اللي عرفوا يحبوها صح
ومصر هتفتكر شهادئها
هتفتكر ناس حبيتها اوي
هتفتكر ناس التحرير
واللي ساندوا التحرير
واللي بيحلموا يبنوا مصر جديدة
هتفتكر ناس
حبيتها اكتر من نفسها
مصر هتفتكر حبايبها
ورغم اني لسة معملتلهاش حاجة تكفي حبي ليها
بس انا عارفة ان مصر حبيبتي
وعارفة ازاي احبها

مش متخيلة ان الحب قدر يطهر مصر
ولسة في ناس متعرفش يعني ايه حب مصر

يا بلادي يا عروسة الدنيا -

قالوا عنك ايه

يا بهية

قالوا عنك إيه بلادي


انا بحبك اوي اوي اوي يا مصر



مصر النهاردة عروسة كل صحف العالم

[/ALIGN][/CELL][/TABLE1][/ALIGN]

المصدر: منتديات هاى حب - من قسم: النقاشات الشبابية الساخنة