|
عضو فى ورطه,,, يلا على مطبخ المنتدى ...!؟ طبعآ مفهوم من العنوان هنختار عضو ندبسه فى تحضير الغدا للمنتدى ههههههههههههههههههههه لما نشوف شكلكو هتجوعونا هههههههههههه :patch_cuisin::patch_cuisin::patch_cuisin: وللعضو مطلق الحريه فى اختيار الاكلات وتقديمها لنا بالشرح طبعآ عشان نستفيد من خبراته او خبراتها ممكن نحب نعملها ولا حاجه وأهو يبقى مرجع لاى عضو حابب يدخل المطبخ ههههههه :patch_galc::patch_galc::patch_galc: |
رد: عضو فى ورطه طبخه,,, الغدا على مين يا ترى ...!؟ وانا هبدأ عشان تفهمو طبيعه الموضوع ويارب تقدمو الاحلى والاجمل وعشان مش تقولو فيه تفرقه انا هبدأ بنفسى :patch_ordi: |
رد: عضو فى ورطه طبخه,,, الغدا على مين يا ترى ...!؟ لو كنت اعرف كنت صورتهالكو انا الى على بالى الاكله الى عملتها النهارده لان الموضوع فاجئنى هههههههههههههههه بصو هيه بسيطه بس حلوه ,,, مكرونه ولحمه كباب حله المكرونه معروفه طبعآ:, بس برضه هقولها ,,, تغلى الميه الى هتغطى كميه المرونه الى هتعمليها عشان تسلقى المكرونه واول ما تغلى حطى شويه زيت صغيرين يعنى تقريبآ معلقه صغيره عشان المكرونه مش تعجن منك وطبعآ تابعيها وقلبيها عشان مش تلزق وكده واول ما تحسى انها استوت لما تشوفيها تلاقيها بتتكسر بسهوله معاكى تشيلوها وتغسلوها وتصفوها... ,,, تيجى مرحله الصلصه هنحط شويه زيت ونكون مجهزين بصله وفرمنها او مقطعنها صغيره خالص واول ما الزيت يسخن نحط البصله ونقلبها لغايه ما تصفر اوعو تحرقوها هههههههه وتكونو مجهزين الطماطم وطبعآ عصرينها فى الخلاط ههههه اول ما البصله تبدأ تحمر تحطو عصير الطماطم وتسيبوه ع النار مع المتابعه لغايه ما تبدأ تتسبك تحطو الملح والفلفل والكمون ويا سلام لو شويه نعناع مش كتير نص معلقه صغيره وشعره جنزبيل ومقدار قرفه زى النعناع كده هتعجبكو اوووى اول ما الصلصه تتسبك تحطو المكرونه فيه بيحبوها كده وفيه بيهدو النار عليها شويه عشان تنشف شويه والصلصه تمسك فى المكرونه طبعآ فاهمين ده لو واحده مش بتدخل مطبخ خالص هتفهم هههههههه ... http://www.alarab.net/pics/2008/07/0...ee050708a1.jpg http://images.lakii.com/images/Aug10/wo3ood_ZIi2oL.jpg نيجي للحمه:, ,,, نقطع اللحمه مكعبات ونحط سمنه فى الحله ونحط اللحمه تتشوح وممكن نحط فص مستكه صغير المهم الى مش تعرف تتشوح يعنى ايه انك تحطى اللحمه بس بعد ما تصفيها مالميه بعد الغسيل خالص وتسيبيها لغايه ما تبدأ تنشف وطبعآ مع استمرار التقليب وتبقى محضره طماطم متقطعه وبصل تحطيهم مع اللحمه وتزودى كبايه او اتنين ميه على حسب ما تحتاج مع مراعاه انها مش بيبقى فيها ميه بتبقى ناشفه يعنى الميه يادوب عشان تسويها وبس وطبعآ الملح والفلفل والكمون ونفس اضافات المكرونه ولو حبيتى زودى شويه بهارات لحمه بنفس مقدار النعناع او ضعفه وتتابعيها ولو احتاجت ميه زودى لغايه ما اللحمه تستوى... http://www.66n.com/pics/hosted/udc3u...eolyiffxif.jpg http://img3.immage.de/03093e6image7285703.jpg نيجى بقى للحلو,,,,,,,,, كيكه شيكولا:, ,,,,,,,,, عارفين الخلاط هههههه هتجيبوه وتحطو كبايه سكر وكبايه لبن وتضربوهم شويه وتحطو عليهم شعره فانيليا وكيس بيكنج بودر ومعلقه كاكاو او بودره شيكولاوتضربوهم شويه وبعدين زودو كبايه زيت وخلو الزيت آخر حاجه عشان هيتقل الخليط واضربوهم وبنفضى كبايه مالخليط ونحطها فى التلاجه وباقى الخليط نزود عليه 3 بيضات ونضربهم وبعد كده فضوه فى طبق وحطو عليه كبايه دقيق او على حسب ما يحتاج واضربيهم فى بعض وتحضير الصينيه ولو مش عارفين بتدهنو الصينيه زيت او سمن وترشوها دقيق مع مراعاه انه يبقى قليل يعنى نفضى الصينيه من الدقيق الى هيتبقى وفضى الخليط فيها ونبقى مولعين الفرن على درجه حراره 200 ونحط الصينيه ومش نفتح عليها قبل تلت ساعه عشان مش تهبط او ارتفاعها يقل وبعد ما الكيكه تستوى وهتعرفى لما تحطى فيها سكينه وتطلع مش لازق فيها عجينه خالص تعرفى انها استوت لو السكينه خرجت وفيها عجينه لسه يبقى مش استوت بس وبعد ما تخرجو الكيكه فاكرين كبايه الخليط الى فى التلاجه هههههه تجيبوها وتدهنو بيها الكيكه وتحطوها فى التلاجهوبس خلاص وقطعوها ويارب تعجبكو... http://www.lakii.net/images/May05/ta...ourganache.jpg وممكن مع شويه تزيين تبقى تورته ............ ,,, او قسمه العجينه على صينيتين صغيرين ومن ثم دهان واحده بالمربى او الشيكولا ووضع الاخرى فوقها ودهانها كما ذكرنا وتزيينها بالكريمه او الفواكه حسب الرغبه http://thecakehouse.com.sa/images/pr...atetruffle.JPG ,,,, ملحوظه:, الأهم من اعداد الاكل طريقه تقديمه هى ما تدفع المرء الى الاكل او لا ههههههههههه مش شرط تزيينه بس يقدم بشياكه ههههههههه ,,, وبألف هنا وشفا على قلبكم يارب ويارب الاكلات دى تعجبكو,,, ولو حد فيكو جرب حاجه فيها يقولى رأيه حتى لو مش عجبته حلو او وحش مش هزعل بس اعرف ههههههه ماشى http://files2.fatakat.com/2010/12/12932325365155.gif ههههههههههههههههه :patch_omlt::patch_omlt::patch_omlt: |
رد: عضو فى ورطه,,, يلا على مطبخ المنتدى ...!؟ هههههههههههههههههههههههه انتى فى المطبخ لوحدك طيب ابعتيلى اى عيل صغير ينادى عليا اجى اقف معاكى حبيبتى الاكله بتجنن يلا بئا اطلبى انتى اى حاجه تخطر فى بالك بس مش هجيبها من جوجل هعملها بطريقتى بس الصور من جوجل يلا انا مستعده 3 2 1 0 |
رد: عضو فى ورطه,,, يلا على مطبخ المنتدى ...!؟ يلا يا ريمووو هتأكلينا ايه احنا طيبيين ومش هنطلب حاجه وهنسيبك تأكلينا على مزاجك يا ترى يا هل ترى هناكل ايه ولا هنصوم ...؟ |
رد: عضو فى ورطه,,, يلا على مطبخ المنتدى ...!؟ يابنتى نامو خفيف تصحو هههههههههههههههههه ولا حرام مش هتهونو عليا تنامو جعانين بصى انا بحب مكرونه بلزيتون تعالى اقولك بعملها ازاى ولو جربتيها هتعجبك مووووووت دى اقرب صوره للمكرونه http://3.bp.blogspot.com/_LiIzLPBAaj...EA/s1600/1.jpg اولا تسلقى المكرونه بس مش تكون مكرونه كبيره ولا نونو الوسط يطلق عليها المفصوصه خلاص سلقتى المكرونه شيليها على جمب هاتى زيتون اسمر واخصر وانزعى البزر منهم وهاتى طماطم حوالى كيلو نص كيلو يقطع مكعبات والنصف الاخر تسبكيه بطريقتنا المعروفه وهاتى فلفل رومى وفلفل وحامى وقطعيهم قطع صغيره وهاتى بصل قطعيه شرائح الطريقه بئا هتجيبى البصل تشوحيه على البتوجاز مع زيت وتضعى الطماطم المسبكه عليهم مش تحمرى البصل اوى يادوب يعطى لون اصفر وبعدين تحطى الفلفل الاخضر والزيتون والطماطم المكعبات عليهم ويوضع على النار حوالى ربع ساعه ويوضع الملح والكمون عليهم ثم يوضع كل المقدار على المكرونه المسلوقه ويفلب مره او اتنين بس وتاكلى بالف هنا وشفا ومش تنسلى تبعتيلى طبق عشان انا بموت فيها ورينى انتى بئا اكله بتعمليها بتعجبك |
| الساعة الآن 2:35 PM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO