أنا جاى اهدى النفوس بين الطرفين

احمد جنتلمان · 14 - 12 - 2010, 5:48 AM

أنا , النفوس , الطرفين , اهدى , بين , جاى

بســم الله الرحمــن الرحيـــم

طبعا فى معظمها من وجهة نظر النساء
هذا الموضوع

هناك من الرجالة من يعتقد إن الستات دول كائنات فضائية
هبطت على الارض من كوكب تاني غلط فى يوم مطلعتلهوش شمس ..
وهناك من الستات اللى بيعتقدن إن الرجالة دول كائنات هلامية لابد أن تخضع للفحص الميكروسكوبي الحريمي
وما بين النظرتين يتعامل الجنسان بعضهم مع بعض
وكل طرف نفسه يفهم إيه اللى فى دماغ التاني

طبعا دا بعدهم

يعنى كيف يفكرالرجل فى المرأة وكيف تفكر المرأة فى الرجل ؟!
وايه اللى بيعجب كل منهما فى الاخر
فكل طرف نفسه يرى بعيون الاخر علشان يعرف ما يعجز ان يراه بعيونه هو
وكلنا قد شعرنا فى فترة من الفترات بالاحساس ده
وربما كان الاحساس ده يمثل لنا واحنا صغيرين لغز اصعب وقتها على عقولنا الصغيرة
من معادلة رياضية من مجهول واحد
ولكن مع مرور الوقت ومع النضج بدات الامور فى الوضوح رويدا رويدا
مع خبرة التعامل مع الجنس الاخر

لذلك انا اقول -ومن المنطلق الانثوى- إنه كذاب من يدعي انه فاهم الرجالة بنسبة 100% .. فالرجال يا جماعة تحمل نفسية مركبة ومعقدة - موش شتيمة دى ع فكرة- ويخلى الست تشد فى شعرها وممكن يأتى بتصرفات غير متوقعة إطلاقا ، وبالتالى صعب تتوقع ردود افعالهم ..فخلى بالك باه يا هانم أوعى تزعليهم لانك ساعتها موش هتعرفى الضربة جاية منين

وعليه يجب ان تتعاملى مع الرجل متوقعة كل ( حركاته ) و(إفتكاستة) و( غروره)
فنحن عزيزتي المرأة واثقين من قدراتنا جيدا واننا ممكن نحط اطخن شنب فى جيبنا الصغنون

علشان كده يجب ان تحطى عقلك فى راسك وتخلى بالك كويس اووى من مهيستة..
ولا نقصد بمهيسة الرجل " اللعب بديلة " فانا واثقة إن جنابك علطول حتقطعيهوله بدون مناقشة ولكن أقصد التعالى على الحركات القرعة اللى بيعملوها
وانتى فاهماها وبتعديها بمزاجك زى مثلا ( إعتبرينى زى اخوكي) و
( حبيتك من قبل ما أشوفك ) .. " وانتى غير كل البنات "
وغيررة كتيررر

وتذكري ان احنا كمان ساعات بنستعبط وهما بيفوتوا لنا الاستعباط دا زى
حركتنا الى دائما مفقوسة
زى ( بكرهك) واللى معناها ( بحبك با مضروب ) وزى
( موش عايزة اشوف وشك) واللى معناها ( وحشتنى يخرب بيتك )
و" متتصلشى بيا تانى " ومعناها (يا بخيل عبرنى بقا) .

اتمنى اكون حليت لكم اى لغز محيركم من جهة اخونا الاعداء

فتذكر ايها الرجل بان "الست" اذكى منك مليون مررة
ولكن هى الى ساعات بتتدعى العبط " ارضاء ليك "
واوعى تكون فاكر نفسك بقا " الواد الى مفيش منك اتنين "
لازم تفهم ان الست دى " تاج راسك من فوق "
فاهم ولا نقول تانى

انا بس بهدى النفوس يا جماعة
مش اكتر
يا رب تكونوا هديتم بقا بعد ما هديت النفوس

المصدر: منتديات هاى حب - من قسم: منتدى المواضيـــع العامــــه

عيون الملاك · 14 - 12 - 2010, 2:21 PM

الملاك البرئ · 14 - 12 - 2010, 9:08 PM

انت كد هتديت النفوس جامد

هههههههههههههههه

بس مش احنا لوحدنا الى بنعمل مش فاهمين وعبط

منتو كمان كد وانا بردة بهدى النفوس ههههههههه

موضوع جميل يا جنتل

تسلم ايدك يا جميل

تقبل مرورى لك ودى

صمتى اعتزازى · 15 - 12 - 2010, 2:16 AM

مش ممكن ياحمد
موضوعك دا فى قمه الروعه بالنسبالى
معرفش بالنسبه لباقى الاعضاء رايها ايه
وانا ارشحه ان ينزل فى مناهج التعليم كلها
من المرحله الابتدائيه
الى المرحله الجامعيه

لك ودى واحترامى