منتديات هاى حب - ياي سترووووووووة سوفاج بلدي اوي!!!!!!!!!!!

سلام الله عليكم ورحمتة وبركاتة
اخوتي الاعزاء يمكن يكون موضوعي دة مش مهم للبعض او يكون غريب شوية لكن بصراحة شديدة استفزني اوي اني اكتب فية واسمحولي اتكلم كدة ببساطة وبالبلدي من غير تكلفة ولا زواق.
طبعا من عنوان الموضوع ممكن يكون البعض منكم فهم انا عايز اتكلم في اية.
ايوة صح انا عايز اتكلم في موضوع اننا او بعضنا بيستنكر علي بعض الناس تصرفاتهم وكلامهم وافعالهم والفاظهم ويتهموهم ان التصرفات والافعال دي بلدي اوي وانطقو كلمة بلدي زي مابتتقال بدلع يعني.
انا عايز اعرف يعني اية بلدي ؟ اعتقد ان بلدي منسوبة للمكان اللي عشنا فية واتربينا فية وكدة يعني من الاخر بلدنا ولو ماكناش هنتكلم بلغة بلدنا وعادات وتقاليد بلدنا هنتكلم بلغة بلد مين؟ مش معقولة يعني نبقي مصريين شعبيين ونتعامل علي اننا ناس تانية.
مع وضع في الاعتبار اختلاف البيئات والثقافات بين منطقة واخري .انا معكم طبعا ان في مناطق واحياء راقية في مصر واحياء اخري اقل رقي ولكن ليس معني هذا ان كل حي منعزل علي نفسة.والدليل علي ذلك ان ممكن الحي الاقل رقيا ينجب نوابغ في جميع مجالات الحياة يعجز الحي الراقي من انجابها.
والامثلة كثيرة وموجودة لاشخاص يسكنون ضواحي البلدان ومع ذلك وصلو الي ارقي المناصب وتدرجو فيها الي ان وصل منهم الي ان يكون رئيس الجمهورية.اخوتي هل التمسك بالاصول اصبح بلدي اوي؟ هل التمسك بعادات اهالينا واجدادنا اصبحت بلدي اوي؟.
لا والمشكلة ان ممكن يكون الشخص اللي بيستنكر دة من اصول متواضعة ولكن من الله عليهم مثلا وسكنو المناطق الراقية.
كمان ممكن اللي بيقول سترووووووووووة سوفااااااااااااااج دة مايعرفش اصل الكلمتين دول اية او من اي لغة او حتي يعرف يكتبهم ومع ذلك بيتعامل بيهم كانها لغتة القومية.
اخوتي وحتي لا اطيل عليكم الهدف من موضوعي هذا هو ان الانسان بنفسة وباخلاقة وبصفاتة الحميدة وليس باي شيء اخر فانما الامم الاخلاق مابقيت فان هم ذهبت اخلاقهم ذهبو.
خلونا نشوف الدنيا بعيون طبيعية خلونا نشوفها زي ماهي.خلونا نشوف الناس زي ماخلقهم ربنا.خلونا نعيش حياتنا زي ماقدرها لينا ربنا.
ومافيش مانع انك تترقي وتحاول تحسن من نفسك لكن في عز ذلك لاتنسي انك من بلدك وليس من اي بلد اخري .
اخوتي شكرا علي حسن متابعتكم والسلام عليكم ورحمة الله وبركاتة
:patch_lov::patch_lov::patch_lov::patch_lov::patch _lov::patch_lov: