منتديات هاى حب - قصيدة ظروف الوقت

http://www.omanuae.net/vb/besmella.gif

يشح الوقت بوصالك وتبقى للظروف أحكام
وانا والله ياعمري ظروف الوقت تشقيني

سمرت الليل بغيابك أخط النزف بالأقلام
على ذاك الكتاب اللي رويته دمع من عيني

حسبت أن الزمان يجود ونقضي باقي الأيام
عبس وجه الزمان اللي بصكاته يجازيني

طفى ضو الليالي عقب فرقى فارس الأحلام
بقايا الليل في فكري .. وصدى الذكرى يسليني

يلوح بناظري متن السحاب وبارقه قدام
عرفت البرق يم الشرق .... ياكم الشرق يغريني

تربع بالحشا حبك بنى بيته شعر وخيام
إذا جيته يهلي بي .. ويوم أقفي يحييني

كتمت بخافقي نبضك عرفت إن الفرح أوهام
يموت الحب في مهده .. معاليقي تعزيني

عرفت الحب مايكمل عرفت إنه وله وهيام
ينابيع الحزن صدري على مضماي ترويني

تراك لخافقي سيد حنايا القلب لك خدام
وأنا وأن عشت في حكمك عرفت الحكم يرضيني

نعم وبدنيتي سيد يانبض الشعر والإلهام
نعم كل القوافي لجل عينك تحتمي فيني

نعم سيدي .. نعم سيدي .. تسيد خافق(ن) بك هام
تسيد ما أحد غيرك قدر باسمي يناديني

قسمت العمر لعيونك .. بصمت القلب بالإبهام
عرفت النور في عينك على الظلمة يقديني

تمايل قلبي بقربك بليل من الحفل بأنغام
عشقت من الطرب لونك على لحنك تغنيني

سقاك الله ياعشق(ن) يعيش بداخلي أعوام
سقيتك من غلا قلبي ومن نبعك تساقيني

رعاك الله يا عشق(ن) وعدته دوم ماينضام
منامك بالعيون .. ومسكنك في راحة يديني

ظروف الوقت تبعدنا وتبقى للظروف أحكام
وأنا وأن عشت في بعدك .. خيالي لك يوديني

:patch_baskt: