|
حلم بتطهير لفساد كل يوم قبل النوم بسهر افكر فى الهموم همومى وهموم اسرتى وهموم ولاد حتتى المهم نعست ونمت واما رحت فى النوم حلمت حلمت ان الشعب ثار على الاستعمار نديت واحد من الثوار وقلتله هو الاستعمار مش من زمان غار ؟ رد قلى ايوة بس دا نوع تانى من انواع الاستعمار قلتله طيب ماتعرفنى يمكن اكون واحد من الثوار رد قلى هو الفساد والاحتكار مش نوع من الاستعمار ؟ ولا المشكله الاقتصاديه وغلو الاسعار مش نوع من نوع الاستعمار ؟ ولا رجال الاعمال اصحاب الاموال رؤس الاستغلال مش نوع من نوع الاستعمار ؟ ولا البلطجيه الى يبيعو ويشترو فى الناس اشى قلب واشى كليه وكلامهم جد مش هظار مش نوع من نوع الاستعمار ؟ قلتله ايوة استعمار قلى خلاص قوم وانضم للثوار قلتله بس اسكت دا الحيطان ليها ودان ولسه بيكمل كلامه صحيت من النوم مفزوع على صوت الببان باب ورا باب بيقعو خدونى ضربونى وعزبونى وفى زنزانه رمونى وكهربونى صرغت وقلت ليه؟ قلولى بتفكر فى ثورة ليه ؟ قلتلهم والله ما بفكر قلولى امال حلمك ده ايه؟ قلتلهم الله يعلن الشيطان الالعبان هو الى وسوسلى فى المنام وان كان على حلم مش هنام بس انتو خرجونى وليكم عليه مش هغمض جفونى قلولى وان حلمت قلتلهم مش هيحصل وان حصل هكون مع الاستعمار ضد الثوار المهم خرجت وعلى بتنا رحت قعدت وفكرت وقولت هو الشعب الجبان الي يستاهل الذل والهوان هو الي مسك الشيطان وملك الالعبان هو الشعب الجبان الى بيقول على نفسه انه غلبان لكن فى الحقيقى هو جبان ومش غلبان للكاتب محمد الديب تحياتى وليـد |
رد: حلم بتطهير لفساد هههههههههههههههههه هتسجنا يا وليد |
رد: حلم بتطهير لفساد حقيقــــــــــــــة مؤسفة ان الشعب هو الى جبان مش قـادر يعمل حاجة عنده هموم الدنيا والاخرة مستنى فرج ربنا عليه ويوم ما يجى يفوق من الغيبوبة الى فيه ويحــاول يعمل حاجة ويصلح الفساد الى ظاهر يلاقى معارضات نايس توبيك يا وليد تقبل مرورى |
رد: حلم بتطهير لفساد تسلم وليد على روعه توبيك |
رد: حلم بتطهير لفساد اقتباس:
|
رد: حلم بتطهير لفساد اقتباس:
هو دا حال مصر يا منه مشكور يا قمر على مرورك تحياتى لكى وليد |
| الساعة الآن 6:06 AM |
Powered by vBulletin® Copyright ©2000 - 2026, Jelsoft Enterprises Ltd.
Content Relevant URLs by vBSEO