طيب علي ما تفكر فيهم هقولك قصه لذيذه كده: حوار بين اتنين اصحاب ماشين في شوارع مصر
الي مليانه زباله علي اخرها واحد فيهم قال للتاني
الاول ايه القرف ده هو البلد دي حاله مش هيتعدل
التانى - في المشمش
الاول - تفتكر حال البلد دي هيتعدل امتي ؟
التانى - ولا بعد 1000000 سنه كانت اتعدلت من زمان
الاول - لا هيتعدل كده كده بس احنا نغير من نفسنا ونبطل نرمي علي غيرنا غير انت بس نفسك
التانى - يا عم هو انا يعني هغير الكون لوحدي ولو انا اتغيرت الناس دي كلها بقولك ايه يا عم فكك من الحوار ده كل ده علشان شوية زباله
سمعت الكلام ده كام مرة
....................
انت ايه رئيك في الكلام ده انت شايف البلد دي حالها هيتعدل ولا لا
عايز تعرف رائي
اه حالها هيتعدل وانت الي هتغير الكون ولوحدك
اسمع بس ده مش اي كلام
لمعلوماتك ان ربنا واحد وأصل الاسلام سيدنا محمد عليه السلام كان واحد انا ممكن اعدلك كتير اوي فرد واحد غير حجات كتير بس ما ينفعش يتقالو بعد ربنا وسيدنا محمد
بس السؤال هنا

انت شايف نفسك صغير ؟

طيب يلا اخرج من هنا بسرعه انا عايز الناس الكبيرة بس
طيب تفتكر ان انا وانت لو ادينا في ايدين بعض هنعمل زي ما حصل مع شركات الانترنت وناخد حقنا
طيب هرجع اسألك تاني
انت بيتك نضيف
وشارعك نضيف
والقريه ولا المركز ولا المحافظة نضاف
هقولك حاجة لو انت من مصر
اكيد لا
صح
طيب انت عندك استعداد انك تفكر ازاي الحجات دي تنضف
طيب عندك استعداد انك تخرج تنضف
ايه ياعم هترجع في كلامك ولا ايه خليك معايا
انت هتغير الكون لوحدك بس بطريقه تانيه والناس حوليك
نرجع للاسئله الي في الاول


1- هل انت شخص مفكر ؟
2- هل انت شخص عملي ؟
3- هل انت شخص مؤثر او تصلح لتكون قائد ؟

طيب لو انت مش حد من دول عايز تبقي كده
فكر كده ممكن تعمل ايه لو فيك الحجات دي
نفكر مع بعض في طريقه ننضف فيها مصر كلها ومع بعض الدنيا كلها هتتغير بس انت تكمل وتبقي راجل للاخر
وبعدين تبقي عملي وتخرج تعمل الي يطلب منك
وتعرف تأثر علي الناس الي حواليك وتخليهم يعملو كده معاك
لا هتلاقي ناس كتير تشتغل معاك بس هتتعب شوية ولازم تتعب علشان تلاقي
طيب انت فاكر ان اصلا موضوع النضافه ده مش مهم
خلي بالك انا مش بقولك تعالي ننزل ننضف انا بقولك الاول تعالي نفكر وبعدين نطبق
وان معرفناش او ما عملناش يبقي المقوله الي فوق دي صح
كل الي انا بطلبه منك انك تفكر وتقول كل الي انت عايزة حتي لو حاسس ان كلامك ملوش لازمه قوله بردوه