الريس قال شد الحزام

[مصراوى]

الحزام , الريس , قال

الريس قال شد الحزام

الريس قال شد الحزام
شد الحزام حط اللجام ممنوع يا محترم الكلام
تاكل منين تشرب بكام تلبس طرح زى المدام
الريس قال شد الحزام حط اللجام
شد الحزام واسمع جميع اللى يقولوة
متقولش فين ولا راح منين
ولا حد يقعد جنب اخوة
ولا حد يتفلسف فى يوم الانتخبات
ولا حد بيجى يقول بيقول الكتاب
الريس عارف كل حاجة
وعندة عشرين الف باب
مقفول على المظلوم وعلى اللى جاب ابوة
شد الحزام واسمع جميع اللى يقولوة
متقولش باعوا العزبة لية
اللى اشتراة ابوة وزير
وتمنها قبضة ابن بية
وابوك مالوش واخوك مالوش
متقولش تيجى ازى ولية
كل الحكاية ان البلد مفهاش ولد
عرق الرجولة نقع علية وانا وانت فيها نعمل اية
من بدرى سلمنا السلاح وبكينا على العمر ال راح



وتعبنا من شد الحزام شد الحزام حط اللجام
شد الحزام ويلا نام
الريس هايفكر عشانك تعمل اية
الريس راح يأمر عشانك تشرب اية
الريس هايفكر عشانك تلبس اية
الريس راح يبنيلك السجن بادية
لاحسن فى يوم تسأل وتتجسس علية
او تقول اشمعنا هو يكون ريس
واشمعنة هو صاحب البيت الكبير
شد اللحاف وبلاش تقوم
واحلم بان هايجى يوم
تلقى اللحاف مفيهوش خروم
وانا اللى نايم من زمان فى الهوجة قام
شد الحزام وبلاش احلام

مصراوى

المصدر: منتديات هاى حب - من قسم: شعر - خواطر 2027 - وزن القافية