العقرب الاسطورى
28 - 10 - 2009, 10:00 AM
في كل محافظة فيكي يا مصر، لا في كل بيت مصري هتلاقيه.. طالب غلبان ..
فيوزات مخه ضربت أو برج من نافوخه طار!!
من المدرسة للدروس للبيت ..ومفهوم البيت هنا لا يتجاوز الاكل والنوم فقط لا غير.. ومن ثم الاستعداد ليوم
دراسي جديد..
وياعيني على المذاكرة ..بتتكوم على دماغه ويقعد يذاكر يذاكر حتى وهو نايم .. بيحلم بحل مسائل الرياضة
وقوانين الفيزياء...ومش بعيد يصحى من النوم وهو بيقول وجدتها.. وجدتها على طريقة ارشميدس!!
أما لو جينا نبص بصة سريعة على المدرسة، هنلاقي طبعا الست الناظرة
اللي أول ما بنسمع اسمها لازم بنتخيل واحدة تخينة لابسة نضارة تخينة .. وماسكة عصاية برده تخينة!!!
حال المدرسة مش ممكن نوصفه أحسن من وصف فيلم الناظر لمدرسة الناظر صلاح الدين!
الطلبة نايمة أو بتقزقز لب! حد هيزعق ويقول طب ليه؟؟!
أصل الأستاذ يا مش موجود يا نايم .. يا موجود بس عامل نفسه مش موجود!
ولو سألت الطلبة انتوا بتعملوا كدا ليه؟! يقولك أصل الاستاذ داخل وعارف إن الكل بياخد بره دروس خصوصية
فبياخدها من قاصرها وبيقول اللي عايز يطلع حاجة تانية يذاكر فيها يتفضل بس بهدوء!
وهوا ياخدله تعسيلة على الماشي!
واللي بيطلع رجل المستحيل .. واللي بينط من الباب..من الشباك..تفرق؟!
هوا دا حال كتير من المدارس للاسف الا من رحم ربي ..
أو لو في تفتيش على المدرسة!
بجد مش طالب الثانوي لوحده هوا الغلبان، دي مصر كلها غلبانة لأنها مش بتبص قدام
ومش بتفكر حتى انها تبص قدام ولا إن في حاجة اسمها تطور..
التطور الطبيعي عندها هو الفيروز ......... وسلملي على الحاجة الساقعة
وعجبي يا بلد !!!!
فيوزات مخه ضربت أو برج من نافوخه طار!!
من المدرسة للدروس للبيت ..ومفهوم البيت هنا لا يتجاوز الاكل والنوم فقط لا غير.. ومن ثم الاستعداد ليوم
دراسي جديد..
وياعيني على المذاكرة ..بتتكوم على دماغه ويقعد يذاكر يذاكر حتى وهو نايم .. بيحلم بحل مسائل الرياضة
وقوانين الفيزياء...ومش بعيد يصحى من النوم وهو بيقول وجدتها.. وجدتها على طريقة ارشميدس!!
أما لو جينا نبص بصة سريعة على المدرسة، هنلاقي طبعا الست الناظرة
اللي أول ما بنسمع اسمها لازم بنتخيل واحدة تخينة لابسة نضارة تخينة .. وماسكة عصاية برده تخينة!!!
حال المدرسة مش ممكن نوصفه أحسن من وصف فيلم الناظر لمدرسة الناظر صلاح الدين!
الطلبة نايمة أو بتقزقز لب! حد هيزعق ويقول طب ليه؟؟!
أصل الأستاذ يا مش موجود يا نايم .. يا موجود بس عامل نفسه مش موجود!
ولو سألت الطلبة انتوا بتعملوا كدا ليه؟! يقولك أصل الاستاذ داخل وعارف إن الكل بياخد بره دروس خصوصية
فبياخدها من قاصرها وبيقول اللي عايز يطلع حاجة تانية يذاكر فيها يتفضل بس بهدوء!
وهوا ياخدله تعسيلة على الماشي!
واللي بيطلع رجل المستحيل .. واللي بينط من الباب..من الشباك..تفرق؟!
هوا دا حال كتير من المدارس للاسف الا من رحم ربي ..
أو لو في تفتيش على المدرسة!
بجد مش طالب الثانوي لوحده هوا الغلبان، دي مصر كلها غلبانة لأنها مش بتبص قدام
ومش بتفكر حتى انها تبص قدام ولا إن في حاجة اسمها تطور..
التطور الطبيعي عندها هو الفيروز ......... وسلملي على الحاجة الساقعة
وعجبي يا بلد !!!!