المساعد الشخصي الرقمي

مشاهدة النسخة كاملة : مش عارف ليه كده .....؟

mr.mezo
25 - 10 - 2009, 10:08 AM
مش عارف ليه كده مبقاش فى حب ..

مبقاش فى اخلاص ...

كل شئ بنحس بيه انعدم من جوانا ...

تقدر تقولى احنا عايشين نحس بايه ...

عايشين نفكر فى ايه ..؟

غير فى الخيانه وازاى نخدع بعض ...

واننا نحقد على بعض ...

ولما تقابل حد تحبه وتخلص ليه ...

يقولك حبيبى انا هعيش عشانك طول حياتى هفضل جنبك مش هسيبك ....

وفجاه راح فين ..؟ :no:

اختفى من حياتك ....

ليه عشان لاقى حد احسن منك ..

بصوا من الاخر بقى ...

الزمن ده بصراحه عايز كده تعيش تخدع وتجرح عشان تستمتع بالحياه ...

لكن تعيش طيب ...

سورى يعنى يبقى مالكش مكان فى الدنيا ...

هو ده حال الدنيا ..

وكل حاجه حلوة اتغيرت ...

الحب بقى وسيله لحاجه وحشه ..

الصدق ......كدب

الاخلاص ....خيانه

الامانه ... السرى يبقى علنى

فين الصفات دى ترجع من جديد ...

عايزين نحس بطعم الحياه ...

الواحد قرب ينسى انه انسان .....

تيجوا نفكر لحظه فى حياتنا ونعرف الحاجات دى اختفت ليه ...؟ :dunno:

يلا اهى دنيا وبنعيشها ....

وبندخل من باب ونخرج من باب تانى ......

معلش بقى عكننت عليكم ...
لمونة
25 - 10 - 2009, 12:43 PM
ليه متشائم كدا يا ميز زي ما في الوحش فيه الحلو واكيد هتلاقي الحلو
تسلم ايدك يا قمر على الكلمات الجميلة
تقبل مروري
mr.mezo
26 - 10 - 2009, 3:43 AM
ولا متشائم ولا حاجه انا بقول الحقيقه

ميرسى على مرورك يا جميل
أمور بس مغرور
31 - 10 - 2009, 10:35 AM
ميرسى ياصاحبى ع الكلام الجميل ده بس ده مش تشاؤم يالمونه ده احساس من جوه ميزو لازم يعبر عنه وبفضفض لينا احنا اخواته وبجد انا بشكره ع صراحته الجميله دى واتمنى منه المزيد تقبل مرورى ياحبى
mr.mezo
31 - 10 - 2009, 3:13 PM
تسلم يا قلبىآ علىآ مرورك
امير الزوق
9 - 12 - 2009, 7:42 AM
مشكووور يا ميزو تحياتي ليك تقبل مروري.