وليه وبصراحة حاجه تحير

[MR.WaLeD]

وليه , وبصراحة , تحير , حاجه

وليه وبصراحة حاجه تحير

السلام عليكم ورحمة الله وبركاته


ندخل فى الموضوع بقى عشان ماطولشى عليكم

كتير اوى بسمع من البنات بيقولوا ليه الشباب بيشوفوا انى البنات لعبة فى ايديهم

وشباب تقول البنات فى طبعها الخيانه بيحبوا يلعبوا بالشباب مابيكفهاش شاب واحد لازم تلاقى دسته حواليها

ويتخانقوا بقى مع بعض لا انتوا لا انتم وكل ده تحت اسم الحب طب اسمحولى بقى انا عايز اقول كلمتين

وبعدين نتناقش فيهم بقى ان شاء الله

نمسك الموضوع الاول من عند البنات ونقول ليه الشباب فاكره البنات لعبة فى ايديهم

انا ازاى اشوف البنت انها لعبة ببساطه اوى لما احس فعلا انها بقت كدا

لما احس انها رخصت من نفسها اوى لحد ما وصلت انها بقت لعبة ولعبة رخيصه اوى كمان شوية وهزهق منها

وارميها البنات هتقولى بس احنا بنحب ااااااه بتحبوا طب بصى بقى يا بيضه انتى وهى

انا اعرف حاجه واحده الحب افعال والله كرهت الكلام اصل بجد مفيش اسهل منه

لكن الافعال اللى تبين اذا كان فعلا الحب موجود ولا ولا

طب ازاى اقولك انا يعنى انا بحبك المطلوب منك انك تستنينى وتشجعينى عشان فى اقرب وقت تبقى ليا

انى اقدر احقق كل اللى بتتمناها وابقى فعلا جدير بيكى يعنى بعمل عشان الحب ده مش بتكلم وخلاص

وبعدها كل واحد يروح لحاله وتقوليلى جرح وبتاع

بيشوفك لعبة عشان فرطى فى نفسك خروجات مع بعض وكورنيش ومسكت ايد ولعب فى الصوابع

طب بزمتك هتجوزك ليه وانا خلاص اخدت كل حاجه قبل ما اتجوز يبقى مالوش لازمه الجواز بقى

وتبقى لعبة منين ما احتاج ابقى اكلمك فى الموبيل ونقضى وقت ظريف مع بعض وخلاص

ومش عايزه تبقى لعبة دانتى تبقى دزمه

تعالوا نروح للشباشب اصدى الشباب ليه البنات بيحبوا يلعبوا بينا

اقولك انا يا خويا ليه المفروض انك راجل والراجل برده ليه هيبته وليه كلمته اللى صعب يتراجع فيها




ولما يقول حاجه يبقى قدها ولازم ينفزها بس نيجى نبص للشباب دلوقتى الراجل بقى ماو

والقصة الله ينور وهو بيكلمها ينعملى فى صوته ويعملى فيها تمبور

ويقعد بقى يسمعها احلى كلام حب طب واخرتها يابيضه البنت عايزه واحد راجل

مش عايزه واحد سيس عايزه واحد هيقدر يشيل مسئولية وبيت هيقدر انه يعيشها هى واولادها

مش هيقعد بقى يأكلها ويشربها كلام وعلى فكرة بيجيلها فترة وتزهق من الكلام ده

مش هقولك ماتقولهاش كلام حب بس قوله فى وقته لما فعلا تثبت انك جدير بيها

وتسمع الكلام ده منك هيبقى ليه طعم تانى اكيد

كتير بنقول انى الحب اتغير وحب زمان غير حب دلوقتى

اللى يقول كدا طبعا حمار واهبل وعبيط والله احنا اللى اتغيرنا

بقينا بنشوف الحب فى الافلام اللى بنشوفها فى السينما

وكلام تمبور وعمر كلاب وكلهم بيقولوا كدا فى الاول

يعنى بنبقى عارفين مصير الحب ده قبل حتى مانحب بزمتكم ده كلام

وبعدين بشوف اكتر المجروحين بقى ودى الحاجه اللى بضحكنى بجد لسه اطفال بجد

تلاقيه الصغنتته لسه ياعينى 14 ولا 16 سنه تقولك بحب واحد وهو بيحبنى وبعدها بشوية تقول الخاين الغشاش

ببقى نفسى اقول كلمة سافله بصراحة بس انا متربى عشان كدا مابقولهاش

حب ايه يام حب عبيطه يابت انتى اتلهى على عينك وزاكرى جاتك ستين وكسه لسه بدرى ياختى

والاقى شاب لسه ياحبت عين مامته فى ثانوى ويقولك البنت مجننانى هموت لو ماكلمتهاش ياعم موت فى وسط اهلك

بطلوا شغل عبط شوية

انا خلصت ومش هسأل على فكره انا عايزكم تقولوا انتوا كمان ليه الشباب فاكرين انى البنات لعبة فى ايديهم

وليه البنات فاكرين انى الشباب لعبه فى ايديهم ؟؟

المصدر: منتديات هاى حب - من قسم: النقاشات الشبابية الساخنة

[مــلاك الــروح]

ههههههههههههههههههههههههههه
ايه ياوليد الموضوع ده
مش هخرج معاك
تانىا
ههههههههههههههه
اصوووووووووووت
تسلم ايدك ياحبيبى بجد لازم
البنت تكون عندها كرامه
وتحسن الاختيار اذا كانت هيا او الولد
دمت فى حفظ الرحمن حبيبى

[ملكة الاحساس]

ههههههههههههههههه
واللهى كلامك حلو يا وليد وبيحصل بجد وكل كلمة قلتها بتحصل في كل المجتمعات وعند كل البنات و الشباب
وبيحصل عند كل اتنين بحبو بعض كمان
اه انهردي مكلمنيش وانبارح بهدلني ماهو انا عصبية على طول بنرفز غصب عني
هو كمان غلس وبنرفزني
ههههههههههههههههههههه
بعين الله ياغالي وحياه ومشية ههههههههه

مشكور على طرحك الاكثر من رائع

دمت مبدع ومميز

لا خلا ولا عدم

[ma7moud]

اوبازززززززززززززز
وليد
شكلك بتحب لعب الصوابع دا يامان

هاقفل خاشمى احسن الموضوع يكبر منى وانطرد

الى مضايقنى الجماعه بتوع 16 سنه دول

هما يعرفوا حاجه عن الجواز ولا هو الجواز بقى لعبه

دا انا بقالى سنتين هنا اشغال شاقه ولسه ما خلصتش

دول اخرهم يروحوا يركبوا مراجيح

الموضوع كبير بس هكتفى بهذا القدر الحين

لى عوده طبعا

فيض ودى وتقبل مرورى