منتديات هاى حب

منتديات هاى حب (https://forums.hi7ob.com/)
-   رمضان 2022 (https://forums.hi7ob.com/forums7ob8.html)
-   -   يلا نعمل اكبر ملف عن رمضان والاستعداد له :) (https://forums.hi7ob.com/love19561.html)

الطائر الحزين 22 - 7 - 2011 10:21 AM

يلا نعمل اكبر ملف عن رمضان والاستعداد له :)
 
السلام عليكم ورحمة الله وبركاته

ازيكم يا أهل البيت

رمضان جاى اخيرا

يلا محتاجين نستعد له كويس اوى

وعشان كده فتحنا الموضوع ده

الموضوع ده هيبقى بمثابة ملف شامل لكل حاجه عن رمضان و عن الاستعداد له ( دروس مقالات - كتب - جداول )
كل شئ يخص رمضان هيبقى هنا

وكلنا هنشارك فى الملف ده بحيث اى حد عايز اى حاجه عن رمضان يبعتها يدخل عندنا ويلاقى كل اللى محتاجه
يلا كل حد عنده حاجه عن الاستعداد لرمضان يبعتها لنا هنا عشان كلنا نستفيد ونستعد لرمضان كويس عشان نثبت بعد رمضان

واسمحو لى ابدأ

ده ملخص لندوه اسمها " ما استطعت" عن الاستعداد لرمضان :

أول نقطة إننا كنا بنعاني زمان من حاجة اسمها "اصطدام بالمناسبة" يعني فجأة نلاقيهم بيقولوا النهارده الرؤيا
وبكره أول رمضان ودا بيعمل لنا لغبطة جامدة وبنبقى عايزين فجأة نعمل كل حاجة في كل اتجاه ودا طبعاً بيتسبب في تشتيت رهيب
وبيخلينا منقدرش ننفذ إلا جزء قليل أوي من اللي كان نفسنا نعمله عشان كدا لاااازم نستعد

قبل رمضان =>نستعد

رمضــــــان => نستمد

بعد رمضان => نستمر

طبعاً واضح الفرق في المدة الزمنية بين الثلاثة أقسام .. احنا بنستعد من رجب وشعبان
عشان ندخل رمضان ونستمد منه طاقة لـ باقي السنة ونستمر على اللي بدأناه في رمضان

خطوات الإستعداد => هما خطوتين اساسيتين
1- تنظيف قلوبنا وتجهيزها لإستقبال الضيف
2- تزيينها عشان تليق بإستقبال الضيف

التنظيف دا بيتم عن طريق

تقييم رمضان الماضي

أ) إستدعاء الإنجازات أو النجاحات السابقة

- كنت ناوي اعمل (1& 2& 3 .....)
- نفذت فعلاً (1 & 2 ....)
- ازاي عرفت أنفذ الحاجات دي
- هل انتظمت فيها بعد رمضان ولّا لأ؟

ب) إستدعاء الوعكات السابقة وتحديد أسبابها

واجبنا العملي
أ) أعيد الظروف اللي أدّت للنجاحات السابقة عشان أوصلّها تاني ويا ريت لو أقدر أطوّرها
ب) البدء في معالجة أسباب الوعكات السابقة (من دلوقتي)

بعد ما خلصنا تنظيف نبدأ بقى في التزيين ودا عن طريق

معادلة النجاح (Success Formula)

حدد ما تريد -> خطط -> نفّذ -> لاحظ ما يحدث -> كن مرناً
*كن مرناً : ولو أي حاجة حصلت مخالفة لتوقعاتك ارجع تاني لـ خطوة التخطيط

أهدافنا في رمضان لازم تشمل الجوانب (الصحية - الأسرية - الروحانية - الإجتماعية ..)
======================

نعمل mind map بالشكل أو التصور اللي في بالنا لـ رمضان 2019
اعملوها في mind map .. هتفرق بجد
حطوا في النص (رمضان 2019) وطلعوا منها فروع

1- أنا والقرآن ويتفرع منها مثلاً (قراءة- تفسير- مراجعة .....)
2- أنا والصلاة (الفروض على أوقاتها- النوافل ....)
3- أنا والتراويح (فين - امتى- مع مين ....)
4- الصدقات (امتى - فين- لمين - ازاي .....)
5- أعمال بر (شنطة رمضان - مائدة الرحمن - إطعام ...)
6- علاقتي بالناس
7- صلة الرحم (امتى ومين وفين وازاي ...)
8- الصحبة (مين - امتى - ازاي ....)
9- أنا والصيام (صيام العوام - صيام الخواص- صيام خواص الخواص)
10- الدعاء (لمين- امتى ...)
11- النوايا (لكل حاجة من اللي فاتوا نبقى تجار نوايا )
12- إبداع .. دي بقى حاجة تفكري فيها مع نفسك تكون حاجة جديدة معملتيهاش قبل كدا
أو حاجة يكون حتى محدش عملها قبل كدا

آخر 3 نقاط مهمين:

1- التدرج : متفتحش ع الرابع مرة واحدة ودا اللي احنا بنستعد من دلوقتي علشانه
2- "الزمر" أو الصحبة: خدِ معاكِ صحبة في كل حاجة تعينوا بعض عليها
3- نعمل Pause لأي حاجة بتعطلنا => "حكاوي- تليفونات- إلخ إلخ ....."

يلا فى انتظار مشاركاتكم عشان نجمع اكبر ملف شامل به كل حاجه عن رمضان
يلا يا اهل البيت ورونا ابداعتكم المتميزه

وكل سنه وانتم طيبين

عيون الملاك 22 - 7 - 2011 4:09 PM

رد: يلا نعمل اكبر ملف عن رمضان والاستعداد له :)
 
جزاك الله خيرا على موضوعك القيم اخي
بجد فكره جميله جدا ومميزه
دايما بتبهرنا بمواضيعك المميزه والقيمه
دمت في حفظ الرحمن ورعايته
لي عوده اخي

يثبت لأهميته

الطائر الحزين 22 - 7 - 2011 9:43 PM

رد: يلا نعمل اكبر ملف عن رمضان والاستعداد له :)
 
ربى لايحرمنى من مرورك المعطر


الساعة الآن 6:18 PM

Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO